Gamay'ng patilaw? Pwes... kay double celebration man, times two sad ang rason nganong mutan-aw gyud ka'g Oi. Una, adunay duet sila si Super Bobby Nalzaro ug kapatid Rizza Navales sa kantahan! Ikaduha, first time i-defend ni Christine Mae Lariosa ang iyang korona isip Bet ng Bayan sa Pop Sensation Showdown. Ikatulo, naay papremyo sa mapiliang best in Halloween costume. O, di ba? HallooWin kaayo!!! Ug ika-upat, ang birthday celebrator, manghatag og mga regalo!!! Ala Santa Clause man ang dating ani niya oi.
Mapasalamaton kaayo mi sa suporta nga gihatag sa mga kapusong Cebuano sukad sauna ug hangtod karun. Napamatud-an gyud ang kalig-on sa atong panag-uban, sa dihang wala gyud ninyo pakyasa ang Kapuso Weekend Anniversary Special (Kapuso Night) niadtong Biyernes, as Oi! celebrated its first birthday sa SM! Giduyugan ninyo sa pakpak ug mga syagit sa pagdayeg ang atong mga kapuso stars all the way from Manila: Marvin Agustin, Wendell Ramos, Diana Zubiri, Jackie Rice ug Marky Cielo. Nalipay pud mi og dako sa walay kawang nga suporta ninyo sa atong mga kaugalingong talento- ang mga banggiitang Bisrap ug Bisrock artists!
Nabuhi ang SM Covered Terminal sa sayawan, kantahan, ug rockrakan. Ang usa sa mga nakapahugyaw mao ang pagkanta ni Rizza Navales sa sikat nga Cebuano song by a bisrock band, The Ambassadors' "Gugmang Giatay." Diva version, o di ba? Wala pud nagpalupig ang Bisrock Bands-Missing Filemon ug ang mga vocalists sa Timeslot, Mantequilla, Phylum, Indephums, Makadawa, ug ang labing bata nila, ang Da Kazins. Nagkahiusa sila sa pagpasulbong sa musikang Bisaya sa dihang gikanta nila ang mga sikat nilang kanta. Proud to be Bisdak!
Mga ka-bischika tungod sa akong ka busy si Marky Cielo ra gyud ang akong na Bischika kay before siya nikanta nakahirit pa gyud ko og pangutana. "Busy po ako sa shoot ng Bakekang" ingon pa niya. Hugyaw kaayo ka Bischika kay maayo kaayo mobinisaya si Marky Cielo. After sa Till I Met You nga movie kauban sila si Ms. Regine Velasquez ug Mr. Robin Padilla, nagpaabot pa kuno siya sa sunod nga proyekto.
Sa mga kapusong Cebuano nga nagsunod kanamo ug sa walay hunong nga nagsuporta sa Oi, daghan kaayong salamat sa pagdawat ug paghimo kanamong parte sa inyong sayong kaudtohon matag Domingo. We promise to give you more entertainment sa Oi! Ug padayon kami nga musuporta, mupakita sa mga talento sa mga kapusong Cebuano. Mapasalamaton pud mi sa mga energetic dancers, sama sa; Freestylers, SnapBoys, Bricks, P-Snaps, Boys.com, Misfits, Snapsnipers ug DsBodyflex. Sa Bisrap 032, Cebuano Stilos, Es2jambai, ug Konigs. Sa choreographers namo Adrian and Raymund Nillas, Novien Embradora ug Roy Branzuela.