Kitchie ug Barbie nangatawa lang

Gikataw-an na lamang nila ni Kitchie Nadal ug Barbie Almalbis ang mga komentaryo nga package deal sila tungod kay kanunay gyud sila nga magkuyog sa mga shows, promotion sa usa ka brand sa shampoo ug karon isip endorsers sa Bayo clothing apparel.

Check, ka level na nila ni Barbie ug Kitchie si international star Lea Salonga tungod kay dunay bag-ong concept ang Bayo alang sa "young and free-spirited women" nga matud pa haom sa duruha.

Gikataw-an usab nila ni Barbie ug Kitchie ang mga intriga nga tomboy silang duruha tungod kay inanay na kini karong nakalimtan, human naminyo si Barbie.

Miingon si Kitchie nga wala pa lamang gyud usab moabot ang Mr. Right alang kaniya apan iyang giklaro nga duha na ang iyang nanglabay nga uyab. Matud niya maghuwat pa siya og duha ka tuig tungod kay gusto niya nga magpakasal sa pangidaron nga 28-anyos. Golden Screen Awards karong gabii Karong gabii na ang 3rd Golden Screen Awards nga ipahigayon didto sa PAGCOR Grand Theater sa Airport Casino Filipino in Parañaque City.

Ang full TV coverage sa 3rd Golden Screen Awards sa Sabado pa sa IBC 13 isalida ang maong awards Night.