Katrina sumosunod nga Joyce Jimenez

Gituman ni Mother Lily Monteverde ang iyang saad ngadto ni Katrina Halili nga ilusad siya aron mamahimong labing importante nga bitoon sa bag-ong henerasyon tungod kay isalida na ang iyang unang pelikula nga giulohan og "Gigil."

Sa November 22 ang gikatakda nga playdate sa nahisgutang movie ubos sa direction ni Jun Lana ug proyekto sa Regal Films.

Tsika sa PangMasa sa presscon sa nahisgutang pelikula nasayran nga 12 days nga gihimo ang maong pelikula didto sa Boracay.

Gitug-an ni direk Jun nga wala na siya maglisod sa mga sexy scenes gumikan kay natural kaayo ang pagka sexy ni Katrina nga iyang gihulagway man gani nga "effortless acting."

Namahayag usab ang pipila ka mga sakop sa press nga samtang gipakita ang teaser sa pelikula, nahinumduman nila ang ka sexy ni Joyce Jimenez kaniadto busa matud pa dili kahibudngan kon mosikat gyud og maayo ang labing sexy nga babaye sa FHM dinhi sa nasud.

Confident usab si Mother Lily nga hinog na si Katrina alang sa stardom hinungdan nga full support siya sa dalaga ug wala gayud siya moreklamo sa dihang nadesisyonan nga sa Boracay ang shooting.

Si Alfred Vargas ang leading man ni Katrina ug kauban usab nila sila si Say Alonzo, Bianca King, Ketchup Eusebio, Gabb Drillon ug ang newcomer nga si Boom Antonio.

Samtang gitin-aw ni Alfred Vargas ngadto sa PangMasa nga wala niya kapugngi nga madala gayud sa ilang mga eksena ni Katrina ilabi na nga ang ilang lovescenes sa dagat pa gihimo.

Apan iyang gitin-aw nga igo lamang niyang gipuy-an ang iyang role isip master diver nga nahigugma sa usa ka call center agent ug party girl nga nasuroy sa Boracay.

Dungan niini gitin-aw usab ni Katrina nga ang mga nanggawas nga mga video diin naghawkanay sila si Sandara Park komedya lamang sa dihang gisungog sungog sila atol sa shooting sa 'Super Noypi. "Hindi po ako tibo, no!" pagklaro pa niya.

Say ug JB wala nay communication

Gibutyag ni Say Alonzo nga naglisud siya og desisyon kon mag-swimsuit o mag-shorts ba siya atol sa shooting sa "Gigil" didto sa Boracay.

"Ang sabi sa akin ng manager (Arnold Vegafria) ko, kung ano raw ang kumportable sa akin. Kung gusto ko raw, mag-shorts ako. Pero better siyempre kung two-piece. Eh napag-isip-isip ko naman, kung sa totoong buhay nga, pag nasa beach ako, nagsusuot din ako ng two piece, so, I decided na sige na nga, ang pangit naman kasi kung shorts ang isusuot ko di ba?" saysay pa niya.

First movie niya ang "Gigil" apan matud ni Say mas nauna niya og himo ang "Zsa Zsa Zaturnnah" nga filmfest entry sa Regal.

Dungan niini gibutyag usab ni Say nga wala na sila magkita pa ni JB Magsaysay kinsa nauyab niya sa dihang didto pa sila sa "Bahay ni Kuya" isip contestants sa unang edition sa Pinoy Big Brother.

"Mas madalas ko pa ngang makita si Angelica ngayon, eh," katawa pa niya.