Guapo na, responsabli pa

Usa ka nagdila-ab nga Domingo na sad mga ka-bischika nako! Wala'y sunog pero unyang alas onse sa udto, sure gyud kong magdilaab ang inyong mga telebisyon sa usa sa labing dakong selebrasyon sa Oktubre, Ang Kapuso Weekend Fever Anniversary Special, nga giduyugan sa mga artista gikan sa Manila. Naa sila si Diana Zubiri, Wendel Ramos, Jackie Rice, Marky Cielo, Marvin Agustin and our very own Rizza Navales! Of course, ang mga pambato usab sa Cebu- ang mga BISROCK BANDS; Missing Filemon, Makadawa, Mantequilla, Timeslot, Phylum, ug The Kazins. Maong andama na ang inyong mga tualya kay promise, panington gyud mo.

Last week sa Halad Inasal sa Talisay City. Dili lang mga lamian nga pagkaon ang akong natilawaan kondili nakahigayon usab kita og one on one bischikahan sa atong Kapusong Dion Ignacio.After sa taas-taas nga oras nga nagkauban mi sa mga Talisaynon sa dihang nagpadayag mi sa among show atubangan sa Talisay City Hall, dili gyud mapugngan nga gutmon gyud tawn ko, ayo na lang gani kay gi invite mi for dinner nila ni Mr. and Mrs. Merlie and Dario Kanico. Pagka- bonggacious sa balay nila murag palasyo, na-feel gyud nako nga prinsesa ko, of course si Dion akong Prince Charming! Klaro man sad, sa barog pa lang, royalty na ang dating.

Kung makabugtog ginhawa ang ka-gwapo ni Dion on and off screen, tungod na kay half Kastila si Dion. But sad to say, wala pa gyud nahimamat ni Dion ang iyang Kastilang amahan.

"Boring ang buhay ko pero sanay ako" kompisal ni Dion mahitungod sa iyang sitwasyon karon. Homebuddy man diay ning atong 20 years old nga si Dion, ang eldest sa lima ka managsoon. Pag-download og mga music sa internet, mag- Friendster, mag-gitara ang iyang lingaw kung walay trabaho.

Matud pa sa ulitawo, four months na siyang loveless. Apan, sama sa ubang mga kaulitawhan nga mu-treasure gyud og relationship, wala siya nagdali nga maka-uyab. Naghuwat ra siya sa saktong panahon ug sa saktong babaye that he can share his life with. Nagmatuod si Dion nga mas gusto niya nga maka-relasyon ang non-showbiz. "Mas tahimik at walang masyadong intriga," pasabot pa niya.

Nidugang siya nga type niya ang mga babayeng simple lang apan diay artistahun sad og dating. (Ikaw ba na Lalaine Go sa Balitang Bisdak? Ahhahahahha!) Iyang gi-angkon nako nga crush niya si Rhian Santos sa Captain Barbell. For that! Ing-ana diay nga level minus TV exposures.

Kung simple ang gipangita niyang babaye, simple lang sad ang pangandoy ni Dion kaniadto sa wala pa siya nasulod sa Starstruck. Gusto niya nga muhuman og college. Ambisyon niyang malibot ang kalibutan maong ganahan gyud siya mag-seaman. Hotel and restaurant Management sad ang iyang second option. Apan karon nga naa na siya sa showbiz industry, sure ko labaw pa sa pagtuyok kalibutan ang iyang mabuhat. Maka-abot pa na siya sa moon! Di ba Hugyaw?

Dream role ni Dion ang mahimong action star, maong karon pa lang daan, iya nang gi-practice ang iyang kaugalingon nga makat-on sa pagdala'g bug-at ug nagkalain-laing roles. Sure ko mga ka-Bischika nga ma-amaze mo kang Aldrin, ang pangalan sa karakter ni Dion sa Bakekang. "Kaka-iba ang role ko dito sa Bakekang, challenging, kaya dapat ninyong panoorin." bungat niya.

Atangan sad nato mga Bischika karong November, kay magpa-sexy si Dion alang sa cover sa X-ray Magazine, usa ka pamantalaan alang sa mga lalake. Excited na ko kay diha nato makita ang kanindot sa iyang lawas. X-ray to the max na ni!

Simple and honest. Ang duha ka-adjective nga akong mahulagway ni Dion. Diha sa among pag-istorya naaninaw nako ang iyang gugma ngadto sa iyang pamilya, ug ang iyang pagpaningkamot alang kanila. Siya usa ka hulagway sa usa ka batan-on nga adunay pagpakabana ug pangandoy sa kinabuhi. Tungod niini nakapangutana ko kung unsa ang iyang matambag sa mga Kapusong Cebuano nga nangandoy nga masulod sa Starstruck, "Marunong sila sumunod at palaging nasa oras" ingon pa niya.

Natapos ang among istorya sa usa ka pangutana: "Dion ano pa ba ang hindi alam ng mga tao sa iyo?" ug ang iyang tubag..."Rockista ako!"

* * *

Sa mga nag-email nako ug nakig-Friendster daghang salamat. Sa mga gaysunlimited group diha sa Englis V-Rama pinanguluhan sa ilang presidente Tita Barbie ug inubanan nila ni Tita Ezer Chan, Maxima, Rara, Mark,Margarita, Tingkerbel ug Apay, salamat sa pagsunod ninyo sa Banat Hugyaw! Ug Happy Birthday Jacky Oronce King, Dombert Arinque and Sundae na miss taka Darhl..hehehehhehee Congratulations diay sa akong friend Ritchel and Keith nag open og boutique CK fashion gallery nga naa sa V. rama .

Oi! if you have comments, suggestions and questions or kung naa moy bischika sa akoa, email lang mo sa [email protected] or at [email protected] . Ciao!!!!!