John Wayne wa na mag-wild

Hapit mapalpak ang bag-ong episode sa "Love Spell" nga "Home Switch Home," tungod kay dili unta dawaton ni John Wayne Sace ang project tungod sa obvious nga rason nga dili siya buot nga makigpares ni Maja Salvador.

Kahinumduman nga adunay gap ang duha ug medyo dugay usab sila'ng nagkita og balik. Sa pictorial nalang sila sa nahisgutan'g project nagtagad diin si Maja pa ang mihimo sa first move.

Matud pa sa PangMasa sa una, nag-uwaw uwaw pa ang duruha sa usag usa pero taod-taod miduol ang young actress sa iyang ka-loveteam dayon'g ingon, "hi, kumusta ka na?" Didto na mibigay si John Wayne ug na-komportable.

Dugang niana, niadto pa gyud ang manager ni Maja nga si Chit Ramos aron istoryahon si John Wayne. Sa pagkakaron, okay na si John Wayne. Komedya pang asuy sa source ni Manay Cristy, "hindi na siya nag-iingay ngayon sa neighborhood."

Ang "Home Switch Home" sa "Love Spell" makita na October 22. Gawas pang John Wayne ug Maja, anaa usab si Angelica Panganiban, Jason Abalos, Jake Cuenca ug Frank Garcia.

Jake way kontrata sa Dos

Speaking of Jake Cuenca, una diay kini mibalhin sa ABS-Cbn, nasayran sa PangMasa nag gitanyagan siya sa GMA-7 sa makita karon nga "Love to Love" nga hapit na usab mahuman. Apan iya kining gibalibaran kay musicale kini ug murag dili haum para kaniya.

Nadungan ang offer sa ABS-CBN ang "Sana Maulit Muli" ug " Love Spell" maong midesisyon na siya ug ang iyang manager nga mobalhin na.

Asuy pa sa PangMasa, gusto unta patupihan sa ABS si Jake una kini mag-taping para mausab ang iyang looks. Apan wala nay oras para niana kay sa last taping niini sa "Majika", sa misunod nga adlaw, nag-taping na kini para sa Dos.

Sa pagkakaron, wala pay contract si Jake sa Dos ug per project lang usa siya kay iya pang gihuwat ang iyang Mommy nga mouli sa nasud karong Disyembre. Siyempre, gusto niya ang iyang inahan ang unang makabasa sa kontrata.

Pops no comment

Nagkatawanay lang si Pops Fernandez ug Glaiza de Casto sa dihang gipangumusta sa PangMasa ang giingong pagpanguyab sa manghod sa Concert Queen ngadto sa young star.

Si Pops wala pay detalye sa maong courtship tungod kay bag-o pa lamang siya miabot dinhi sa nasud.

Apan sa dihang si Glaiza ang gipangutana mitubag kini nga, kausa pa lang sila nag-date ni Joey ug dili pa sad kini matawag og courtship.

Ang duruha puros apil sa Zsa-Zsa Zaturnah sa Regal Entertainment.

Christian naguol alang ni Rachelle

First girlfriend diay ni Christian Bautista si Rachelle Ann Go ug wish pa niya nga maayo unta siya na usab ang last.

Walo na ka buwan ang ilang relasyon ug so far, maayo man usab ang dagan niini. Medyo naguol gani si Christian para sa iyang girlfriend kay naintriga kini karon sa mga kaliwat niini ug sa iyang opinyon, wala na lang unta miistorya pa ang nahisgutang mga kaliwat ni Rachelle ug gisulbad na lang kini nga sila-sila ra.

Kahinumduman nga nabalita dinhi sa Banat Hugyaw nga gilibak sa iyang mga paryente si Rachelle ug ang iyang inahan tungod kay pasangil pa nila, nausab na ang pamilya sa singer human kini misikat.

Samtang, apil si Christian sa filmfest entry sa Regal Films nga "Mano Po 5" ug na-schedule na siya para mag-taping karong October 24.