Oh lala Polo...

Happy Halad Inasal Festival sa Talisay City ! Lafang na pud mga friendship! Well, I'm sure sa mga nitan-aw sa Oi! last week nabusog gyud mo sa dihang gihubo na ni papalicious Polo Ravales ang iyang poloshirt sa iyang "I'm Too Sexy For My Shirt" dance number! Intawn ang mga audience sa UC, na-ukay! "Grabe ang saya dito sa Cebu , masarap siguro tumira dito," maoy nabungat ni Polo sa dihang nagsakay na mi sa van pagkahuman sa taping.. Nalipay siya sa maayong pagdawat sa mga Cebuano audience niya.

As promised last week, na-up close and personal nako si Polo, ug ang una gyud nakong pangutana: "Nganong solid man ka og lawas, Polo?"

"Kasi inaalagaan ko siya. Nag-wowork out ako, nag-boboxing, tapos ngayon nag mu-Muay Thai. Pag walang taping, talagang nag-wowork out ako." Butyag pa niya.

Saksi gyud tang tanan sa dakong kausaban dili lang sa iyang pisikal nga hitsura hasta sad sa dagan sa iyang career. Gikan sa mga binata-bata nga papel sa TV hangtod nga usa na siya karun sa mga gibantog nga leading men sa mga salida. "Nung umpisa, hindi ko siya nakita (pagbabago sa showbiz career), pero nang nag-start akong tumanggap ng play na medyo sexy, doon ko na nasabi na baka tuloy-tuloy na." Sugilon ni Polo.

Nidugang pa siya pag-ingon nga duha sa mga gi-wish niya karon mao ang makadawat unta og best actor award ug mag-bida sa usa ka action-drama nga salida. Matud pa niya wala siya'y pili kung kinsa ang gusto niyang mahimong leading lady, OK ra bisan kinsa. For that ni-volunteer gyud dayon ko bahala'g thank you ra ang talent fee mga friendship. Pwede na kuno ko oi... 48 years from now, kanang daot na ko. Hala Oi!

Taud-taud nag-mention siya og tulo ka-babaye sa showbiz nga nakit-an niyang hot and sexy. Sila mao si Angel Locsin, Angelica Panganiban, ug Katrina Halili. Hala noh!!! Sa lovelife? Wala gyud siyay laing tubag kondi: "Happy ako ngayon."

Pwes mga pahabol nga trivia bahin kang Polo; sapatos ug mga bakos ang kinaham nga paliton ni Polo kung mag-shopping. Gusto usab niya nga naa siya'y kaugalingong negosyo sama sa usa ka Japanese restaurant, ug kahibalo ba mo nga sacristan kaniadto si Polo? Yes mga ateh!!! Heaven sent gyud diay ning papable nga si Polo Ravales.

Mga friendship ato diay siyang atngan, kay sa umaabot nga December isalida na ang Super Noypi (entry sa Regal Entertainment sa MMFF 2006-editor) diin usa si Polo sa mga bida nga adunay gahom aron masalbar ang kalibutan gikan sa mga dautan. Save us papa Polo!!! Unsaon? Know what? Tungod sa among chika galore wala na mi kabantay nga naabot na mi sa hotel diin siya nag-stay.

* * *

Lain pay ato, tsikahan gyud mo nako sa Mobile Kusina at the Mall experience nako with ate Recca sa SM City Cebu last week! Daghan gyud mi nakat-unan. Sama sa English sa 'Dukot', "SCORCHED RICE," diay.. Ang tam-is nga part sa baboy kay ang LIEMPO! Well, thank you San Miguel Purefoods Culinary Center labi na kang Ms. Maricel Manalo Culinary Services Manager , Chef Sonny Ong and our very own Chef Rose Marie Lim-Garcia of Caro and Marie Culinary Arts Studio. Daghang Salamat sa free lafang!!!

Speaking of free lafang, adto na mo sa Talisay kay daghang inasal didto! Sa early morning readers nato, tan-aw mo karon sa Oi! 11am sa GMA 7 kay naa pud mi sa Inasal Festival with Dion Ignacio! At 1pm naa ko sa ilang motorcade, kauban nako of course sila ate Recca ug bestfriend Amon.

Mga Suki sa Banat Hugyaw atangi sa sunod nga lugwa ang akong pakighinabi sa akong soulmate, ang hunk sa Starstruck Batch 1, Dion Ignacio!

Daghang Salamat sa University of Cebu sa mainiton nga pagdawat kanamo especially to Ms. Becky Anchieta, Atty.Agusto Go, Chancellor Candice Gotianuy ug salamat kaayo Hon. Shirley Belleza, Chairman of Talisay Tourism Heritage Council, sa ilang pinalanggang Mayor Soc Fernandez, Vice Mayor Aber Belleza ug sa mga opisyales. Belated Happy birthday sa among Oi! Staff, Gerwin Babon!!!!

Oi! if you have comments, suggestions and questions or kung naa moy bischika sa akoa, email lang mo sa [email protected] or at [email protected]. Baboooooo!!!!!