'Trabaho lang, walang personalan'

Nasayod diay si Dennis Trillo nga daghan sa ilang mga fans ni Angel Locsin ang naglaom nga sila maoy magkadayon sa tinuod nga kinabuhi apan alang sa guapong actor igo na sa pagkakaron nga nakauban niya ang dalaga sa iyang mga movie and TV projects.

"Natutuwa kami at may mga fans na gusto kaming magkatuluyan. Sino naman ang aayaw kay Angel, 'di ba? Pero siguro nga, tama lang na ganito kaming dalawa. Baka we were meant to be just good friends. Hanggang sa trabaho lang ang romance namin sa isa't isa."

Sa pelikulang TXT silang duha maoy loveteam ni Angel samtang si Oyo Boy Sotto maoy ex-boyfriend sa dalaga sa nahisgutang movie nga nagmulto pinaagi sa cellphone. Mga bata sa Bakekang gidayeg Gidungog nga paborito na sa kadaghanan ang top-rating soap drama sa GMA-7 ang Bakekang nga matud pa tanan nag-atang na matag gabii ilabi na sa mga eksena ni Bakekang ug sa duha niya ka mga anak nga sila si Kristal ug Charming.

Ang balita nga nasagap sa PangMasa nagkanayon nga daghan ang nakadayeg sa maayo nga acting nga gipakita sa mga bata sama nila ni Jolina Marie Reyes (Kristal), bag-ong talent sa GMA Artist Center nga matud pa tukma ang iyang papel. Apan paborito sa kadaghanan si Eunice Michaella Lagusad ang bata nga nagdala sa papel ni Charming tungod kay matud pa dali ra kining makakuha sa itudlo sa director.

Daghan usab ang mipakpak sa kamaldita sa batang Lorraine (Louise Joy Folloso) nga gikan sa programang Calla Lily sa ABS-CBN 2.

Sa paghuman sa Week 5 sa Bakekang mas daghan pang mga rebelasyon ug mga eksena nga angayan atangan sa maong soap drama sama na lang sa character ni Lotlot de Leon.

Pops miabot gahapon

Miabot gyud diay kagahapon sa buntag (October 12 5:30 a.m.) si Pops Fernandez gikan sa San Francisco, USA via Philippine Air Lines. Mobutho na siya sa last shooting day sa "Zsa Zsa Zaturnah karong adlawa (October 13), sa Magdalena, Laguna kauban sila si Zsa Zsa Padilla, Rustom Padilla ug ang tibuok cast.

Kahinumduman nga sa balita sa Banat Hugyaw kagahapon gisapot si Mother Lily kang Pops gumikan kay namahayag kini nga nagproblema siya sa iyang visa busa sa October 20 pa siya mahibalik sa nasud.

Nasayran nga kinahanglan na mahuman ang shooting sa maong pelikula karong adlawa gumikan kay gitakda nga magpa-opera si Zsa-zsa Padilla sa iyang likod karong October 18.