Liz, kulatado ni Willie?

Battered wife ba si Liz Amoro, ang asawa ni Willie Revillame nga midangop sa korte aron ma-annul ang ilang kaminyuan nga magduha ka tuig pa lang?

Kini maoy pangutana karon sa showbiz circle human namahayag ang abogada ni Liz, Atty. Katrina Legarda nga kasamtangang gipailawom si Liz sa usaka 'battered wife therapy session" nga giduma sa usaka psychologist.

Kini maoy nahagpat nga balita ni Manay Lolit Solis, kolumnista sa PangMasa human usab gipahigayon niadtong milabay nga adlaw ang hearing sa alang sa annulment case nga giduso ni Liz.

Ang wala matino unsa nga matang sa wife battery ang gitumbok ni Legarda sanglit daghan ang matang sa maong pagpangabuso sama sa physical, mental ug verbal abuse.

Terence dunay sex video

Dunay mga nananuot karon sa Sugbuanon ug kanhi child star nga si Terence Baylon pinaagi sa Internet.

Ang tsika ni Manay Lolit nga ang nanuot karon ni Terence kanhi niya suod nga higala sa supak sa iyang pagbalik-showbiz. Ang drama sa maong kanhi close friend mao nga gipalakaw niini sa Internet nga "male prostitute" si Terence ug duna kini sex video nga nakig-"threesome" ang nahisgutan.

"Lalake ang kaibigan ni Terence pero hindi pang-lalake ang kanyang attitude.May tunay bang mhin na magda-dialogue sa kapwa lalake ng " Promise mo, huwag mo akong sasaktan at friends tayo forever?"

Naloka nga raw si Terence nang makita nito na dalawa ang Friendster account niya.Isang tunay at isang fake. Naka-post daw sa fake Friendster account ang nude picture ni Terence pero wala itong face," yagyag pa ni Manay Lolit.

Pwes matud ni Manay Lolit nga dili angayan sakyan dayon ang bisan unsang email nga ipadala ngadto sa nagkadaiyang entertainment columnist ilabi kon ang mensahe niini mao ang padaot sa imahe sa usa ka artista.

Polo ug Ara intact gihapon

Gipanghimakak ni Polo Ravales sa interview sa PangMasa ang taho nga medyo wala nay klaro ang ilang relasyon ni Ara Mina o "nagkakalabuan."

Nakugang ang Polo sa maong balita gumikan kay matud pa niya wala sila mag-away ni Ara ug gani tagsa ra sila magkita karon tungod kay pareho sila nga busy.

"Siguro, kung ibang bagay ang dahilan, baka magtampo ako or siya. Pero hindi dahil trabaho nga. Bigayan naman kami. Pag ako ang busy, siya ang naga-adjust, at ganu'n din naman ako pag siya 'yung busy," pasabot ni Polo ngadto sa PangMasa.

Bag-ohay lang miuli si Ara dinhi sa nasud gikan sa iyang show sa Amerika apan usa ra ka adlaw kini dinhi sa Pilipinas ug milarga dayon paingon sa Papua New Guinea alang sa lain na usab nga show.

"Dumating siya ng October 4 ng madaling-araw. Tapos, umalis din siya nung gabi kaya 1 hour lang kami nagkita," pong pa niya.

Samtang usa sa mga bida si Polo sa "Super Noypi" diin duna siyay super powers. Si Quark Henares ang director ug entry kini sa Regal Entertainment alang sa Metro Manila Film Festival.