Ang "Miss Labangon 2006 beauty pageant" ang highlight' sa aktibidades sa kapistahan diha sa Barangay Labangon alang sa halad sa mahal nga patron Señor San Vicente Ferrer. Ang maong indigay gipangulohan sa mga tawong aktibo ug kugihan nga mga opisyales nga si Mr. Renato A. Alburo, ang executive assistant sa barangay kapitan ug over-all chairman sa mga kalingawan diha sa maong barangay ug ang respetado ug matinahurong barangay kapitan diha sa barangay Labangon nga si Honorable Felix D. Abella.
Kawhaan (20) ka mga maanyag ug opisyal nga mga kandidata ang magtigi sa maong indigay ug gani gipahigayon na ang 'screening' niadtong Agosto 5 sa may Robinson's Activity Center inubanan sa atong Banat-Hugyaw Editor Ryan Mark isip usa sa mga hurado ug dinapit sa maong show. Ang maong 'screening' sa 'Miss Labangon competition' esklosibong gibuksan alang sa mga aplikante ug kwalipikado nga nagpuyo sa maong barangay ug 36 niini ka mga aplikante ang mi-aplay sa 'screening' sa maong indigay. Ang 'Talents Night' ipahigayon karong Oktubre 8, Domingo sa gabii, alang sa mga talentong mga kandidata sa maong indigay diha gihapon sa Labangon Sports Complex sa maong barangay.
Kining maong kompetisyon gidalit kaninyo sa mga opisyal nga mga sponsor (official sponsors) nga mao ang Cebuana Lhuillier, Gaisano South, Capt. Felix Abella and Family, Congressman Cuenco, STI ug Asian College.