Ingrata ni Nora gilangaw?

Gipanghimakak ni direk Elwood Perez nga gilangaw ang lilas ni Nora Aunor nga "Ingrata," base sa taho sa PangMasa. Ang maong lilas usa ka independent digital film nga didto pa gi-shoot sa Amerika ug gipasalida dinhi sa nasud.

Si Direk Elwood, nga suod nga higala ni Nora miingon nga dili tinood nga flop ang pelikula tungod kay sa 24 theaters gipasalida ang "Ingrata."

Nalingaw ang mga himantayon tungod kay mikatay ang intriga hangtud na nga nakig-away na si direk Elwood sa usa ka talent manager nga konektado sa "Twilight Dancers," kinsa gidudahan nga maoy nanabi nga flop ang "Ingrata."

Samtang gibarugan usab kini sa talent manager nga tinuod nga gilampaso sa "Twilight Dancers" ang "Ingrata." Tuod man, sa dihang mitan-aw ang TM sa SM Megamall, tulo lang ka tawo matud pa ang mitan-aw.

Samot gayud ang kasuko ni direk Elwood kay imposible gyud kining mahitabo. Gani, iya pang giingnan ang talent manager nga dungan sila'ng moadto sa SM Megamall aron sa pag-check kung tinuod ba ang iyang taho.

Apan, gitubag kini sa talent manager nga, "wala akong time." Ang nakapaulbo og maayo sa kaspa ni direk Elwood mao nga nag-dialogue pa ang TM nga gunad sa "Pacita M., Bilangin ang mga bituin sa langit ug hangtud na sa "Naglalayag" flop na gayud ang mga projects ni Ate Guy. John Lapus ginerbyos

Matud pa ni Manay Lolit sa PangMAsa, dako gayud ang kalipay nga nabati ni John "Sweet" Lapus kay Kapuso na siya. Gikulbaan gayud si Sweet sa dihang migawas siya, for the first time, sa S-Files niadtong Domingo.

Wala niya matataw kung unsay reaksyon sa mga tawo sa iyang pagbalhin sa GMA-7 kay nahibalo ang tanan nga sa ABS-CBN nagsugod ang iyang showbiz career.

Tsika ni Manay Lolit nga nananghid daan si John sa iyang sa iyang bestfriend nga si Kris Aquino nga siya mobalhin na sa S-Files nga rival program sa The Buzz.

Sa laing bahin, gisuportahan usab sa iyang mga fans si Sweet, nga miadto gayud sa studio sa S-Files ug gipalitan pa siya niini og mga buwak.

Dako usab ang natabang sa mga syagit ug abiba sa iyang mga fans sa pag-menos sa nerbyos nga gibati ni Sweet.