Kadaugan sa Czech Republic

Ang 18-anyos nga si Tatana Kucharova, high school student gikan sa Czech Republic, maoy midaog isip Miss World 2006 kagahapon, diin gipildi niya ang 103 ka mga maanyag usab nga babaye gikan sa tibuok kalibutan.

First runner-up sa 56th Miss World pageant mao si Joana Valentina Boitor, 17-year-anyos nga gikan sa Romania. Ang pambato sa Australia nga si Sabrina Houssami, 20, maoy second runner-up.

Nagsul-ob og puti nga long gown, ang nakaluha sa kalipay nga si Kucharova mipalupad og mga halok ngadto sa 2,500 ka mga tawo nga nanan-aw didto sa Congress Hall sa Warsaw Poland samtang iyang gidawat ang iyang diamante nga korona gikan ni Miss World 2005, Unnur Birna Vilhjalmsdottir sa nasud sa Iceland.

Si Kucharova, usa ka taas nga babaye nga dunay long blond hair, nahimugso sa Trnava ug nagdako sa lungsod sa Opocno. Gipadayag niya ngadto sa mga hurado nga laraw niya nga mopadayon sa university ug mamahimong usa ka model. Paborito niya ang tennis ug horse riding samtang ang iyang personal motto mao ang "Always be an optimist."

Nasayran nga ang panel of judges naglibog kinsa maoy pasudlon nga mga kandidata gikan sa Asia Pacific continental group, hinungdan nga sa katapusan nagkauyon sila nga tulo na lamang maoy hatagan og higayon hinungdan nga milugwa sila si Miss Australia, Miss India ug Miss Vietnam ug nahimo nga final 17 semi finalists, inay 16. Si Miss Ghana maoy gipasidunggan isip Beauty With A Purpose atol sa pageant.