Movie ni Regine ug Robin super hawkanay

Mag-inihapay na lang kon kapila nagnilap-lapay sila si Regine Velasquez ug Robin Padilla sa ilang pelikula nga 'Till I Met You" ubos sa GMA-7. Kini maoy pralala sa mga torotot sa GMA nga miingon nga dili mahimong ipakita sa trailer ang nahisgutang mga kissing scenes. Si Elaine Lozano, Production Manager sa pelikula nagkanayon nga nakahilak si Regine paghuman niini og dubbing tungod kay ginindotan siya sa pelikula.

Samtang nasayran sa PangMasa nga nangayo si Regine og pasaylo nila ni Vic del Rosario ug direk Joyce Bernal tungod sa pagdayeg niini sa pelikulang "Timy" nga mas nindot kompara sa unang pelikula nila ni Robin nga "Kailangan Ko'y Ikaw".

Dungan niini, gitataw ni Elaine nga dili tinood nga gipahuwat ni Robin si Regine sa ilang shooting, makausa ka higayon tungod kay matud pa niya naatol lang nga sayo ang call-time ni Regine nga alas 8:00 sa buntag ug ang kang Robin alas 11:00 na.

Biboy ug Jackie uyab

Si Jackie Rice na ang bag-ong uyab karon ni Biboy Ramirez ug dili tinood nga ang nahisgutang Starstruck Female Ultimate Survivor maoy gikabuangan karon ni Biboy Ramirez.

Kini maoy nakutlo nga taho sa PangMasa gikan sa kasaligan tinubdan kinsa namahayag nga ang wallpaper karon sa cellphone ni Biboy mao ang dagway ni Jackie ug ang nawong nga makita sa cellphone usab sa dalaga mao ang kang Biboy.

Kining maong kalambuan maoy mulig-on sa unang mga taho nga nakit-an ang duruha nga naghawkanay sa sulod sa usa ka bar ug maoy mopasabot nganong kanunay sila makit-ang magkuyog.

Nasayran usab sa PangMasa nga kaniadto pa sa dihang nagpadayon ang Starstruck, naibog na si Jackie ni Biboy busa dili na kahibudngan nga sa dihang nagkaila na sila gisugot niya dayon ang ulitawo.

Pwes miingon ang mga himantayon nga mao ni ang rason nganong nabugnaw si Marky Cielo sa ilang loveteam ni Jackie Rice kay nasabtan niini nga wala silay padulngan kon dunay laing uyab ang dalaga.

Daghan usab ang nagtuo nga ang pag-iring iring ni Jackie kang Biboy maoy usa sa mga nakaingon nganong gisuspenso ang dalaga og duha ka buwan sa GMA Artist Center.

Si Jackie ang Ultimate winner apan ang first runner up nga si Iwa Moto maoy mihataw og maayo sa kadaghan sa TV projects .

Dugang kaso batok ni Jeremiah

Wala pa mahuman ang pagsang-at og kaso ni Ethel Gonowon sa kanhi live-in partner niini nga si Jeremiah Rosales nga younger brother ni Jericho Rosales.

Next week gikatakda nga mopasaka na usab si Ethel og kasong kidnapping batok sa young actor tungod kay matud pa pugsanong gikuha ang ilang anak gikan sa iyang kiliran niadtong Enero sa milabay'ng tuig.

Last Thursday duha ka kaso ang gisang-at ni Ethel didto sa Pasig Prosecutor's Office inubanan sa iyang abogado nga si Atty. Rizal Balbin. Ang nahisgutang mga kaso mao ang Law on Anti-violence against women and their children batok ni Jeremiah. Samtang, Frustrated Intentional Abortion usab batok kang Mrs. Rosales.

Si Ethel adunay duha ka mga anak kang Jeremiah. Kahinumduman nga kaniadto pa aduna nay problema ang magtiayon. Ug kini kabahin sa sustento ni Jeremiah ngadto sa ilang mga anak.