Jennylyn, di type ang mga foreigner

Feeling gwapa karon ang gibati ni Jennylyn Mercado human mihatag ug pamahayag si Dave Batista usa ka superstar sa WWE (World Wrestling Entertainment) nga nakagusto siya sa dalaga.

Gani giangkon ni Batista nga crush kini niya bisan pa og sa picture lang kini niya nakita. Si Batista ug Jennylyn wala pa magkita sa personal ug matud pa basin mohimo og lakang ang maong superstar sa pagkigkita sa iyang crush.

Matud pa sa kampo ni Jennylyn Mercado flattered siya nga siya mao'y giingong crush ni Batista apan gipanghimaka ni Jen nga dili material boyfriend ang maong superstar tungod kay mas taas kini kaniya ug naa'y height nga 6'5" basin ug taga hawak na lang siya niini.

Midugang ang kampo ni Jen nga dili mga foreigner ang gusto ani niya kun dili mga pinoy kay basin unya himoon siyang punching - bag kun ugaling sila magka-uyab.

Apan ang dakong rason ngano ni anhi si Batista sa Pilipinas aron sa pagpangita sa iyang Pinoy nga amahan sanglit naa man kini siyang dugong pagka-Pilipino. Tuod man imbis pangita-on ang iyang amahan dinhi sa P'nas mas gi-una pa niya ang mga TV guesting dinhi.

Basin ug unya mahimong artista kini si Batista?

* * *

Si Ya Chang nga usa ka Hapon nga nahimong artista dinhi sa atong nasud maoy nahimong interpreter sa usa ka miyembro sa Pinoy Dream Academy scholar nga si Jun Hirano.

Kahinumduman ang duha ni guest sa programa ni Boy Abunda nga "Homeboy" ug sa ilang pag guest sa maong programa si Jun Hirano nga dili pa kaayo makasabot sa Tagalog ug makamao sa paglitok sa pinulungan nga English giabagan ni Ya Chang aron makasabot kini sa mga pangutana nga gisulti ni Boy Abunda kaniya.

Si Ya Chang sa iyang bahin ni pasabot nga andam siya nga mamahimong interpreter sa bisan kinsa nga Hapon nga mosulod sa kalibutan sa showbiz tungod kay gusto siya nga motabang.

Ang management sa maong show nga PDA malipayon kaayong mipahibaw nga gusto nila si Jun Hirano tungod kay maningkamot kini makamao mo sulti sa pinulungang Tagalog ug humble kini.

Sa pagkakaron si Jun Hirano hinay-hinay nang makasulti ug makasabot sa pinulungan nga tagalog dili parehas sa una nga lisod kini makasabot tungod hinapon lang ang iyang nahibaw-an.