Regine ug Ogie partners na sa UR

It is official. Mipirma na og exclusive contract sila si Regine Velasquez ug Ogie Alcasid alang sa usa ka exclusive deal sa ilang kaugalingong Indie Music, with Universal Records.

Tsika sa PangMasa mao nga nahitabo ang pinirmahay didto sa Sampaguita function room sa EDSA Plaza-Shangri-La Hotel last Thursday afternoon, September 7, nga gitambongan nila ni Universal Records Vice President Ramon Chuaying, UR General Manager Kathleen Dy Go ug UR Operations Manager Peter Chan. Malipayon sila si Regine ug Ogie sa nahisgutang business relation tali sa Indie Music label ug Universal Records. Ubos sa kontrata, ang tanang recording artists nga gam-on sa Indie Music ang UR na maoy mo-distribute, lakip na ang album unya ni Dennis Trillo.

Apil sa gipirmahang kontrata mao usab ang bag-ong solo albums unya nila ni Regine ug Ogie ug ang official soundtrack sa 'Till I Met You' movie nila ni Regine ug Robin Padilla. Posible usab nga mag-produce og usa ka duet CD silang duha. BF ni Iza mouli na

Sa third or last week pa sa September moabot dinhi sa nasud ang US-based boyfriend ni Iza Calzado busa ang wish sa aktres, nga mo-hit ang "Eternity" aron ma-extend ang showing niini hangtud nga moabot ang iyang uyab.

"Gusto niya kasing mapanood sa big screen, kaya we're hoping na showing pa ito pagdating niya, sana. Sana ma-extend kasi maganda naman talaga 'yung film, hindi n'yo talaga makakalimutan, pramis," pong pa ni Iza ngadto sa PangMasa.

Samtang nasayran sa PangMasa nga nag-gross og 5M ang "Eternity" sa opening day niini niadtong Wednesday hinungdan nga dako kaayo karon og ngisi si Mother Lily Monteverde sa Regal Films as well as the whole cast and the director, Mark Reyes. Clarisse Mercado makalolooy

Daghan ang naluoy sa Baywalk Bodies nga si Clarisse Mercado, kinsa usa sa upat nga nabilanggo didto sa Guam.

Kini tungod kay sa dihang miabot sila sa airport niadtong milabay nga adlaw, siya lang ang wala sugata sa iyang pamilya.

Pwes giintriga na hinuon siya sa showbiz press nga hayan naglagot niya ang iyang mga kadugo gumikan sa taho nga mabdos siya og duha ka buwan, diin nahibaw-an lang human sila gipriso didto.

Hinoon ugma puhon sa gabii gipaabot nga mahatagan og katin-awan ang tanan gumikan kay iladlad nila ni Jeanette Joaquin, Luxx Laurel, Palmolive Palma ug Clarisse ang ilang kasinatian, pinaagi sa exclusive interview ni Philippine Star Entertainment Editor Ricky Lo sa iyang programa unya nga Showbiz Stripped sa GMA-7.