Philip gipasaylo na ni Christina

Finally, human sa duha katuig, nagkauli na gyud sa maayong kabubut-on sila si Philip Salvador ug ang kanhi girlfriend niini nga si Christina Castillo-Decena. Nahitabo ang panag-istorya sa duruha atol sa ilang mediation kagahapon sa buntag sa "Metropolitan Trial Court" para sa kasong "Other Forms of Swindling".

Halos usa ka-oras nga nag-istorya sila si Ipe ug Tina nga sila lamang duha sa buhatan sa huwes nga maoy nagduma sa mediation. Sa nahisgutan nga panag-istorya, nangayo og pasaylo ang action star sa iyang kanhi girlfriend.

"Umiyak siya at naramdaman ko ang sinseridad niya sa paghingi ng tawad. Tao lang din naman ako at ako man ay humingi rin ng tawad sa kanya kung napahiya ko naman siya sa publiko," pong pa ni Christina sa dihang na-istorya sa PangMasa pinaagi sa telepono kagahapon.

Sa paggawas nila sa kuwarto, sa labing unang higayon nag-public apology si Ipe. Sa atubangan sa mga TV camera nangayo og pasaylo si Ipe kang Christina ug sa mga anak niini.

Apan gitin-aw ni Christina nga iyang napasaylo si Ipe kung personal nga kasagmuyo ang pagahisgutan. Ang kabahin sa kuwarta, mag-atubang pa sila og balik sa September 13 diin sabuton kung unsaon pag-settle sa action star ang obligasyon kaniya.

"Siyempre, may mga attorney's fee na involve dito, at saka may kinuha siya sa akin kaya may dapat din siyang ibalik."

Mikabat sa 15M ang gihisgutan sa maong kaso. Mao kini ang "Pinnacle Condo Unit" ni Ipe nga matud pa giutang niya kang Christina ang pangbayad. "Pero open naman ako sa compromise. Papayag naman ako sa lahat ng kaya niyang paraan para ma-settle ito at hindi ko naman siya gigipitin," pong pa ni Christina.

Cogie wa masinati ni FPJ

Limitado ang mahinumdoman ni Cogie Domingo kon ang mipanaw'ng si Fernando Poe, Jr. ang amahan sa iyang ka-loveteam nga si Lovi Poe ang hisgutan. Hilabi na nga wala gyud sila nagka-uban sa usa ka proyekto, maong wala gyud sila nahatagan og tsansa nga magkaila-ila.

Tsika ni Cogie ngadto sa PangMasa mao nga ang nahinumduman lamang niya nga nibisita si FPJ kaniadto sa set sa "Mano Po" years ago para kuhaon ang iyang asawa nga si Susan Roces ug nagdala og daghang pagkaon.

Gawas ato, puro nalang istorya kabahin kang Da King ang nadunggan ni Cogie. Nasayran niya ang pagka-maayo niini kaniadto ug malipayon siya kay nasunod kini sa anak nga si Lovi .

Nahimamat na niya ang inahan ni Lovi nga si Rowena Moran ug matud pa niya aligre kaayo ang ilang panagkaila kay naa kini sulod sa kotse ug wala gyud siya gilamano.

"May langis daw kasi or oil ang kamay niya. Nagsabi naman siya ng pasensiya na. Cute nga, eh, comedy," nagkatawang sulti ni Cogie ngadto sa PangMasa.

Pareho sila ni Lovi nga nagsulti nga wala pa silay relasyon, pero matud pa "action speaks louder than words."

Maong gisultihan gani sila sa mga himantayon nga basin og mu-angkon lamang sila kung matapos na ang ilang relasyon.

"Ay, hindi po. Talagang wala naman po kasi," pong pa ni Lovi sa pakighinabi sa PangMasa.

Adunay mga pasenyas-senyas ug ngisi-ngisi sila si Lovi ug Cogie sa dihang gibuwag nga gi-interbyu nga silang duha lamang ang nakasabot. Unya pagkahuman mukalit nalang sila og pangatawa maong matud pa sa mga himantayon makurat na lamang sila.