Mariel ug Zanjoe final!

Pipila na diay ka semana nga pormal na nga dunay espesyal nga relasyon sila si Zanjoe Marudo ug Mariel Rodriguez.

Ang tsika sa beteranang kolumnista sa PangMasa, Manay Cristy Fermin mao nga turon maoy nakaingon nganong nayagyag ang tinood nilang relasyon ug si Bianca Gonzales pa nga makausa gilambigit kang Zanjoe ang nakadiskubre niini.

Ang tsika mao ni. Namarayeg og turon si Zanjoe kang Mariel, busa gisugo sa dalaga ang iyang production assistant nga ihatud ang pagkaon tungod kay nag-on cam pa siya alang sa Wowowee.

Pwes gipangita sa PA si Zanjoe apan wala niya makit-i didto sa compound sa ABS-CBN ug tungod kay nasugatan niya si Bianca, mao kini ang gipangutana.

''Wala siya dito, bakit mo siya hinahanap?'' pangutana ni Bianca ngadto sa PA,nga mitubag og ''Kasi po, may ipinabibigay na turon si Ma'm Mariel sa kanya.''

Ug sa dihang gitext dayon ni Bianca si Mariel, ''Ikaw, ha? May paturon-turon pa kayo, ha?'' Naloka si Mariel, tungod kay nauwaw siya nga si Bianca pa ang napangutan-an sa inosente nga PA.

Hinoon padayon ang suod nga panaghigalaay nila ni Mariel ug Bianca. Samtang kun kahinumduman, nagsugod ang relasyon nila ni Mariel ug Zanjoe didto sa Boracay niadtong Abril human sa Pinoy Big Brother Celebrity Edition.