Super Inggo maot, Captain Barbell "kulelat"!

VATSKI: Maayong adlaw natong tanan! Anyway, grabeh gayud ang promotion sa GMA 7 sa ilang new teleserye nga Bakekang. As in, hugyaw kaayo ang presentation: ang nagtalikod nga maoy bida sa maong drama nga si Sunshine Dizon, nga halangdon kaayo sa iyang evening chiffon gown, nipaso sa red carpet padulong sa mga naghuwat nga apil usab sa cast sa maong soap, sila si Sheryl Cruz, Manilyn Reynes ug uban pa. Ug sa dihang moatubang na ang maong bida…voila! Ang iyang dagway sukwahi ra kaayo sa iyang postura, kay siya si Bakekang. Kaila naman tingali tang tanan kung kinsa ni si Bakekang, kay gibitoonan na gud ni, ni Superstar Nora Aunor. Ug karon nga gi-banhaw sa GMA, nga although matawag ta nga dili na ni original kay lagi revival man, maka-expect ta nga mas bongga pa ni kaysa naunang version. Sa giingon ko na, grabeh ang teaser sa maong teleserye, gigastoan gyud. Busa kung ipaguwa na kini sa telebisyon, sigurado ko nga dili ta ma-disappoint. GMA na gud na!

GARRY: Hala uy mao to'y bongga nga teaser sa GMA-7, Vatski? Unsa na kaha ang engrandeng selebrasyon nimo noh? Ambot lang kay para nako dili gayud makatay-og ang bag-ong teleserye nga Bakekang kay bakekangon (as in bakukangon ang rating) gayud na diri sa taga-Sugbo. Abi man gud nako Vatski dili ka ganahan anang remake kay pwerte ra ba gayud nimong panaway sa remake sa ABS-CBN? Remember ka sa top rated nga teleserye sa ABS-CBN nga Bituing Walang Ningning? Ayaw kabalaka Vatski kay atbangan na sa ABS-CBN inyong Bakekang. Paabota ang bag-o unya nga dramedy nila ni Toni Gonzaga ug Luiz Manzano nga didto pa sa Barcelona Spain gigama - for sure you will love it! Kung mi-hit ang Going Bulilit, nah misamot gayud ning Super Inggo!

VATSKI: Huh? Waka kyapi! Ang Super Inggo gani Gar, mailhan gayud nimo nga ang nag-produce ang ABS kay wa gyuy ayo ang special effects. Cheap, way budget! Hi-tech na baya ta ron, and ang mga Pinoy nailhan na nga creator sa mga animation, gani daghan man diay Pinoy ang naghimo anang mga Disney animation. So, uwaw kaayo nga diri sa atong kaugalingong nasud way tarong ang atong mga mugna. Mao naman gani na, mayo pa dili nalang ta mo-try. Makaingon ko way K ang ABS sa maong matang sa production, kay lagi dili mogahin og igong budget alang sa pagpanindot sa ilang mga salida nga mogamit og animation o special effects! Layo ra ang maong estasyon kay sa Kapuso nga maoy nag-una sa pagmugna og special effects sama nalang sa nasaksihan sa publiko diha sa mga fanteserye nga Darna, Encantadia, Captain Barbell ug uban pa. Dili gayud ikalalis ang "magical" effects niining maong mugna, gani usa man kini sa mga factors nganong gihangop kini sa masa.

GARRY: Kahibalo ko nga simple ang special effect pero perfect ang casting, diba? Sakto gayud pagkapili ilabi na si Makisig! Unsa-on manang bongga unya bakekang pud ug over, nga dilli na hinoon katuohan? Well, ingon niana naman lang gayud inyong diskarte, kay basin pinaagi sa imahinasyon makalabaw intawon mo sa Kapamilya. Ibutang ta lang! Pak! Ikaw Vatski maayo lang gyud ka manaway, unya wala nalay kwenta ang Captain Barbell? Avah poor rating? Kulelat! Ang Super Inggo, mihatag gayud og higayon sa mga bag-ong sulbong aron mapalambo ang ilang mga potensyal dili pareha sa GMA 7 nga recycled artists kay unsa-on, pila ra man pud tawon na sila kabuok, dili pareha sa ABS-CBN nga daghan og kapilian ug nagawas-awas sa mga talents!

Pangutana: Kinsa may maayo momugna og special effects sa ilang mga projects, Kapuso o Kapamilya? Unsay nindot tan-awon, Super Inggo o Captain Barbell? Ngano man? Ipadala ang inyong tubag ngadto sa 0910-2683713