Katherine Luna naghinakog

Naglagot karon kang Katherine Luna ang iyang talent manager nga si Bert Manalo tungod kay nagdumili ang nahauna paghatag og komisyon ngadto sa naulahi, sa iyang daug sa "Kapamilya Deal or No Deal" niadtong Hulyo. Ang tsika nga nakuha sa PangMasa nagkanayon nga midaug si Katherine og P60 thousand (80 gyud unta apan giibanan og tax) diin si Bert maoy nakakuha sa maong guesting busa mangayo kini og 30% share kantidad og P18, 000.

Apan nagdumili si Katherine paghatag tungod kay matud pa niya, contest ang iyang giapilan busa dili na angayang mapaak pa si Bert niini.

Nagkanayon ang kampo ni Bert nga hinaot unta nga maluoy og makonsensya si Katherine tungod kay katungod usab sa iyang manager ang mukuha sa share. Matud pa nga ang maong kantidad mao untay ipalit ni Bert og tambal alang sa iyang balatian.

Nasayran usab sa PangMasa nga interesado ang "Maala-ala Mo Kaya" kang Katherine alang sa usa ka episode diin magkauban sila ni Rosanna Roces, apan gibalibaran kini ni Bert kay napungot siya sa iyang "alaga."

Troy ug Aubrey nagkadugay, nagka-lami

Giangkon ni Troy Montero nga si Aubrey Miles ang labing dugay niya nga girlfriend sa showbiz diin three years na sila karon ug lawom na kaayo ang ilang relasyon.

Gitug-an ni Troy ngadto sa PangMasa nga ang giganahan niya ni Aubrey mao nga masinabtanon kini diin dunay mga higayon nga nag-away sila apan magka-uli ra usab dayon. "She's very understanding of me and she can take my moods," pong pa ni Troy. "She has her own moods as well and I can tolerate them. What's important to us is that we have an open communication line. When we have a problem, nag-uusap kami. I listen to what she has to say and she does listen to me as well. Maganda 'yun kasi we are open with each other parati."

Giangkon ni Troy nga pareho silang seloso ni Aubrey.

"If Aubrey is the jealous type, I'm a jealous man myself," pahiyom pa niya. "I think that also what keeps us going. We want each other for ourselves lang. But we don't mind if we meet other people. Basta walang hanky panky. Aubrey knows that I've been so faithful to her for such a long time. I know too that I'm the only one for her." Nawala makadiyot sa showbiz si Troy tungod kay mi-focus siya sa advertising business apan karon mibalik siya isip leading man ni Keanna Reeves sa pelikulang "Binibining K" ubos sa Reality Entertainment sa direksyon ni Joven Tan.