Oyo mag-ate ni Pia Guanio...

Bisan pa man tuod og nagpuyo sa usa lang ka panimalay sila si Oyo Boy Sotto ug ang iyang amahan nga si Vic, panagsa lang sila magkita tungod sa ilang ka-busy sa trabaho. Kasagaran molakaw siya para mag-taping samtang nahinanok pa ang iyang daddy.

Tungod niini sa mga pamantalaan ra nasayran ni Oyo Boy ang mga tsismis kabahin sa iyang amahan ug kang Pia Guanio. Samtang usahay ila usab kini'ng maistoryahan sa iyang Ate Danica.

Ate Pia ang tawag ni Oyo Boy kang Pia, nga karon usahay nalang niya mahimamat. Gani, "Hi and Hello" lang ang ilang tagdanay kung magkita sila sa "Eat Bulaga."

Matud pa ni Oyo Boy sa PangMAsa nga sa dihang nag-dinner ang iyang Ate Danica, Ate Ciara ug si Jocas, anak ni Joey de Leon, misunod kanila ang iyang daddy ug si Pia.

"Okey lamang sa akin kung sinuman ang girlfriend niya, huwag lamang siyang magpapagamit," pong pa ni Oyo Boy sa PangMasa. "At sinuman ang girl na iyon, sana lamang ay mahalin niya ang tatay ko, matanda na rin siya, mabait siya kaya huwag mo siyang gagamitin dahil may pera siya. Pero napapansin ko, masaya lagi si Daddy, kaya okey lang sa akin, kung saan siya masaya, masaya rin ako sa kanya. Ayaw ko kasi na umuuwi si Daddy na nakasimangot siya. Naku, tiyak magagalit ang tatay ko kapag lumabas ito," nagkatawa pang asuy ni Oyo.

Sa pagkakaron, excited na gyud si Oyo Boy sa pagsud sa iyang character nga si Jamir sa "Majika". Mao man gyud kini ang iyang unang soap opera nga ipasalida sa primetime block. Kay ang iyang mga milabay'ng unom ka soap nga iyang nahimo, dugangan pa sa gipasalida na karon nga "Pinakamamahal", sa hapon makit-an.

Malipayon gayud siya kay mas taas ang oras nga magkauban sila sa iyang girlfriend karon nga si Angel Locsin. Samtang may pagka-Robin Hood ang character niya sa maong telefantasiya ug aduna siya'y gahum nga manambal. Gani, magkaila sila ni Sabina (Angel) sa lasang sa dihang naigo sa pana si Sabina ug iyang gitambalan.

Bye Andrew, hello Sofian

Hugtanong gihimakak ni Keanna Reeves ang isyu nga iyang gipalitan og bag-ong sakyanan ang iyang boyfriend nga si Andrew Wolfe sa dihang nahinabi kini sa PangMasa sa presscon sa launching movie niini sa Reality Entertainment, ang "Binibining K" nga gi-direk ni Joven Tan.

Gipaniguro ni Keanna ngadto sa PangMAsa nga anaa gihapon sa naka-time deposit ang P1 million cash nga iyang nadag-an sa Pinoy Big Brother Celebrity Edition kay para kini sa iyang mga anak.

Wala gayud niya kini kuha-i kay sunod-sunod man sad ang iyang trabaho karon. Kahibaw usab siya nga dili sila magdugay ni Andrew kay gubot pa ang huna-huna niini ug na-realize usab ni Keanna nga nahimo na siyang bad girl sa dihang nagkauyab sila ni Andrew. Gani, mahadlukon karon si Keanna nga wala na unya'y mosalig kaniya, labi na gyud ang iyang manager, maong iya gyud gi-ampo nga mahuman na kini'ng gubot nga iyang nasudlan.

Samtang sa nahisgutan'g lilas, usa siya ka prinsesa ug si Troy Montero ang iyahang leading man.