Ogie nanghimakak sa annulment isyu

Gipanghimakak ni Ogie Alcasid ang taho nga miduso na siya og annulment aron hingpit na sila nga magkabuwag sa iyang asawa nga si Michelle Van Eimereen, tungod kay matud pa niya walay basehan ang maong isyu.

Sa interview sa PangMasa mihangyo si Ogie nga dili na lang i-apil ang iyang pamilya tungod kay ang hinungdan nganong nagkinabaw siyag trabaho mao ang iyang asawa ug mga anak.

Mihangyo usab si Ogie nga siya na lang maoy dauton ug dili na iapil ang iyang mga minahal sa kinabuhi. Samtang gipadayag usab ni Ogie nga nauwaw siya ni Regine Velasquez ug sa pamilya niini kay nadahig usab sa isyu.

Dungan niini nagpasalamat usab siya sa friendship ni Regine nga matud pa niya sukad pa niadtong 1983 suod na niya nga higala hinungdan nga kanunay silang masaypan nga dunay espesyal nga relasyon.

Rochelle dili na mag-Sexbomb?

Hayan mobiya na sa hingpit si Rochelle Pangilinan sa Focus E ni Joy Cancio kon basehan ang iyang mga pamahayag sa dihang nahinabi siya sa PangMasa didto sa usa ka restaurant sa Quezon City ning bag-o lang.

Nasayran sa PangMasa nga motapos na ang kontrata ni Rochelle sa Focus E karong October busa nanggawas na ang mga taho nga mobiya na si Rochelle kang Joy.

"Pag-uusapan naman namin 'yan bago mag-expire ang kontrata ko," pagtin-aw ni Rochelle. "Alam ko kasi may mga plano pa si Ate Joy sa akin. Gusto ko lang siyempre marinig lahat iyon. Hindi ko naman siya iiwan ng basta-basta, 'di ba? Nanay ko pa rin siya."

Miingon siya nga walo na sila katuig nga nagkuyog ni Joy ug wala pa mosampot sa iyang hunahuna nga biyaan niya ang iyang manager. Apan miingon usab si Rochelle nga buot niya nga mabag-o ang iyang career busa makig istorya siya ni Joy og klaro.

"May mga gusto rin akong mangyari kasi nga matagal na ako sa kanya at maiintindihan naman niya ako. Hindi naman forever Sexbomb Girl ako, 'di ba? Gusto ko na ring magkaroon ng ibang identity. Tutal marami na kami sa grupo, sila naman ang i-build up at puwede na akong mag-iba, 'di ba?"