Lovi special guest ni Cogie

Si Lovi Poe lang ang dili kapamilya ni Cogie Domingo atol sa exclusive party sa nahisgutan alang sa iyang birthday hinungdan nga gisukit sukit sila og maayo sa showbiz press.

Ang taho ni Manay Cristy Fermin, kolumnista sa PangMasa nga kumpleto ang pamilya ni Cogie diin ang iyang mga kadugo nanguli gayud gikan pa sa Amerika.

Tsika usab ni Manay Cristy nga labihan lang ka simple ni Lovi niadtong nakalabay nga gabii atol sa maong party apan daghan ang giganahan sa batan-on tungod kay nindot siyang ika-istorya.

Gikatakdang ma-busy na si Lovi tungod kay siya maoy modala sa papel ni Kristal alang sa bag-ong teleserye sa GMA-7 nga Bakekang starring Sunshine Dizon.

"I promised to my mom, I'm going to finish high school, I will only accept offers that will not get in the way," pagtin-aw ni Lovi.

Nasayran usab ni Manay Cristy nga daghang nindot nga plano alang kang Lovi ug Cogie ang GMA-7, gani sila ang loveteam sa Bakekang.

Atol sa party usab diretsong gipangutana ni Mommy Zennie, inahan ni Cogie kon tinuod ba nga mauwawon ang iyang anak, diin simple smile lang ang gitubag ni Lovi.

"Kapapanganak ko pa lang kay Cogs, tinawagan ko na agad si Dra. Vicki Belo, ipinaayos ko na agad ang ilong niya, ang mga mata niya, ang cheek bones niya, kaya naguguwapuhan kayo sa kanya!," komedya pa ni Mommy Zennie.

Dungan niini gikomedyahan usab ni Mommy Zennie si Lovi pinaagi sa pag-ingon nga, "I was in the States when I first heard about you, ikaw raw ang constant date ng anak ko ngayon. Nung minsang magkausap kami, I asked Cogie kung pang-career lang ba yun?

"Ang sabi niya sa akin, puwede rin daw in real life. Bahala ka na sa anak ko, pagpasensiyahan mo na kung mahiyain siya, but he's a good man," pagduso pa ni Mommy Zennie sa iyang ulitawo ngadto sa batan-on nga igo rang mikatawa.