Amy ihunong una ang annulment

Wala nay plano si Amy Perez nga mogasto pa busa matud pa niya ihunong lang una niya ang pag-file og annulment case batok sa iyang bana nga si Brix Ferraris human makaduha na ka higayon nga gibasura sa Supreme Court ang unang duha ka mga kaso nga gi-file sa nahisgutang TV host.

Nagkanayon ang korte nga wala ma-establish ang pasangil ni Amy nga psychologically incapacitated si Brix hinungdan nga nabasura ang kaso.

"Ayoko namang maipit sa anak ko at kuwestiyunin ako kung bakit ko ipinakulong ang ama niya," pasabot pa ni Amy atol sa presscon sa iyang bag-ong programa sa Dos ubos sa Bayan Productions, nga giuluhan og "Kabuhayang Swak na Swak".

Matud pa ni Amy nga mahimo usab siya mag-ilis og citizenship aron maka-file og divorce abroad apan miingon siya nga dili kini niya buhaton tungod kay dili kini niya priority.

"Ayoko nang gumastos, masyadong mahal ang mag-file ng annulment," pag-angkon niya.

Matud ni Amy nga wala usab mo-cooperate si Briz sa iyang mga lakang busa usik lang ang iyang kahago ug paningkamot, gawas pa nga wala usab siya magdali nga makasal ngadto sa lain.

Nine years old na ang anak nila ni Brix ug Amy nga si Adi. Labing sakit alang kang Amy dihang giingnan siya ni Brix nga okay lang kon moingon ang ilang anak nga patay na ang iyang papa.

"Yun ang huling statement niya sa akin two years ago," pong pa ni Amy. Atua karon sa Korea si Brix ug matud pa wala na gayud kini manggilabot sa ilang anak.

Samtang ang "Kabuhayang Swak na Swak" magsugod na karong August 21, ug makita Monday-Friday, 8:30am diin co-host ni Amy si Chase Tinio.