Dakong gugma ni KC kang Sharon

Siguro nga magkauban na karon si KC ug Gabby Concepcion sa San Francisco California. Kagahapong adlawa minglupad si KC gikan sa Paris. Long vacation na niya karon sa American School of Paris diin siya nagtungha sa iyang ika-tulong tuig sa Corporate Communications.

Kahinumdoman nga gibalita na sa Banat niadtong nakalabay'ng adlaw nga midesisyon si KC nga bisitahon ang iyang amahan human sa napulo ka tuig, sanglit wala man maputol ang communications nilang manag-amahan.

Gani nasayod man si KC nga hapit na usab manganak ang iyang stepmother sa iyang ika-tulo nga igsuon sa amahan. Adunay igsuon si KC kang Grace Ibuna, si Gabrielle ug kang Jenny Syquia, si Chloe nga nagtungha na usab karon sa Europe kay tua na sila karon manimuyo kauban sa bag-o nga bana ni Jenny.

Dungan niini, nabasahan sa PangMasa gikan sa website ni KC ang mensahe sa dalaga alang sa iyang inahan kabahin sa maong panagkita nila ni Gabby.

"The Real Deal"

"Sure I'm seeing my father again for the first time after 10 long years. Sure, it's a big deal but this is d time to say: it was my mother who raised me and put herself through hell to keep our lives running, while he wasn't around. It was my mother who always put effort into avoiding speaking ill about him, to give me a great impression of my father, growing up. Sure, I had to tweak and manipulate my mind to adjust to a "new" concept of family through the years. It work out just fine, but it wasn't easy.

Sure, I love my father and my stepfather I love him a lot but it is my mother who is worth more than anything. It is she, and not a man, who will walk me down d aisle for my wedding march. Sure, I have my own life to live, my own name to build and my own burdens to worry about but someone gotta begin the process of resolving unfinished business. Life is too damn short to be angry all d time." -KC

Subo nga istorya ni Harry

Sa likod diay sa mapahiyomong dagway ni Harry Santos, usa sa mga finalist sa "Pinoy Pop Super Star 2," nagpahipi ang masulob-on nga panghitabo sa iyang kinabuhi. Giila isip "Josh Groban" sa PPS 2," si Harry ang unang nahimong finalist una nalupig ni Gerald Santos. Nagagikan gayud sa dughan ang mga awit nga gidalit ni Harry ug kining tanan iya diay nga gidalit sa tawo nga iyang gihigugma og maayo. Kining tanan mayagyag na karong gabii sa 'Magpakailanman" sa GMA-7.

Ara ug Aiko hayan magbangga

Gihuna-huna na ni Ara Mina kung ipadayon ba niya ang pagdagan isip konsehal sa District 2 sa Quezon City sunod tuig nga local elections. Kung ipadayun niya ang iyang plano nga sudlan ang kalibutan sa pulitika, sama sa iyang lolo, nga si kanhi Quezon City Mayor Ismael Mathay ug ang iyang amahan nga si Congressman Chuck Mathay, siguro gyud nga magtigi sila ni Coun. Aiko Melendez tungod kay pareho sila nga anaa sa second district.