Katrina taas nag sungay?

Dili makatuo ang source sa PangMasa sa nasaksihan niini nga pagpangisog sa respetadong director nga si Al Quinn nga matud pa wala na makaantos sa kamaldita ug ka-iresponsable ni Katrina Halili atol sa taping sa "Ganda Ng Lola Ko" sa QTV.

Suma pa sa source nga kadto ang unang higayon nga nangisog ang nahisgutang director tungod kay matud pa pwerteng dugaya miabot ni Katrina sa set.

Alas nueve ang call time apan miabot si Katrina alas onse na ug nagdali kay matud pa duna pa siyay apason nga flight busa nagkanayon kini nga dili siya mahimong magdugay.

Ang source sa PangMasa miingon nga kanunay na lang nga late si Katrina sa taping ug wala gani gayud kini popangayo og pasaylo ngadto sa mga beterana nga mga artista nga kauban niya sama nila ni Bella Flores, Gloria Sevilla, Baby O'Brien ug Celia Rodriguez.

Pwes niadtong Biyernes wala na makaantos si direk Al busa gipakigsultihan na niya si Katrina sa dressing room ug gipasabot nga dili maayo nga pahuwaton niya ang iyang mga kauban nga artista.

Giingnan siya sa director nga kon sila nakahimo pagtunga sa gikatakda nga oras walay rason nga dili kini mahimo ni Katrina tungod kay pareho silang tanan nga busy. Apan matud pa hilaw ang pagpangayo og sorry ni Katrina.

"Kung nakakamatay lang ang irap ni Katrina, siguro duguan na lalabas ng dressing room si Direk Al," pong pa sa source. "Grabe pala ang babaeng 'yan. Siya na may kasalanan, siya pa itong may ganang umirap sa director namin. Eh akala niya hindi siya nakita ni Direk Al. Kaya tinaon ni direk na pahiyain siya sa maraming tao para matuto siya."

Pwes tungod sa kalagot sa director gikasab-an na niini si Katrina atol sa ilang pagpaniudto. "Ngayon ko lang narinig si Direk Al na magmura. Never kong nakitang nagalit 'yan sa ilang taon na magkatrabaho kami. Matindi talaga ang ginawa ni Katrina sa kanya. Dapat turuan ng leksyon ang batang 'yan. Hindi pa man, malaki na ang ulo. Wala pa ngang napapatunayan, may mga sungay na kaagad," nagkanayon ang source sa PangMasa.

Imbes nga mangayo og sorry si Katrina igo ra kining miisa sa iyang kilay."Marami na akong nababalitaan na umaarte na raw 'yang si Katrina sa mga tapings niya. Parang dapat siya kaagad kunan kasi gusto na niyang umalis. Dyus ko, sino ba siya? Hindi naman siya ang bida ng Majika, 'di ba?

"Kung si Angel Locsin nga, ang bait-bait at 'di hamak na mas sikat sa kanya. Eh kontrabida lang naman siya, pero tinototoo niya ang pagiging Black Darna niya. Mahiya naman siya sa mga taong nakakatrabaho niya," pagtapos pa sa source..

Balay ni Angel P16 million

Natuman na ang dugay na nga pangandoy ni Angel Locsin nga makapalit og balay human niya napanag-iya ang balay nga nahimutang sa usa ka exclusive subdivision sa Commonwealth Quezon City, nga nagkantidad og P16 million.

Hinoon by installment ang maong balay diin mihatag na si Angel og down payment. Nasayran nga kinahanglang maimpas ni Angel ang iyang tanang bayranan sulod sa unom ka buwan tungod kay gikatakda nga mo-migrate ngadto sa Amerika ang tag-iya sa nahisgutang balay.

Suma pa nga nagustuhan kaayo ni Angel ang balay tungod mingaw didto sa maong subdivision. Sa iyang pagbalhin unya sa maong balay dad-on ni Angel ang iyang amahan ug ang iyang ate nga minyo na nga maoy nag-atiman sa ilang papa.

Usa usab sa nagustuhan ni Angel mao nga limitado ang mga residente didto sa maong subdivision. Silingan unya ni Angel didto sila si Albert Martinez, Jolina Magdangal, Rowell Santiago ug Alfred Vargas.