Gilungkab ang balay

Sa last shooting day sa episode 2 sa " Tres Metros" (naa na kini karon sa episode 3) nga didto himoa sa Barangay Looc, Mandaue City (courtesy of the amiable Cabahug family, Mandaue City councilor Raul "Pokang" Cabahug ug Barangay Looc Captain Edith Flores Cabahug) sadya kaayo ang esena ni Hercules Yuson, usa sa mga supporting cast niini. Sadya kaayo ang tanan, kay ang esena nga nakalingaw usab sa mga estudyante sa UC- Mandaue, nagpakita man ni Hercules nga nagpakatawa tungod sa iyang costume nga madre, apan matud pa, mao ray madre nga higante, apan bayot

Apan luyo sa maong shooting, subo kaayong palandongon nga didto sa panimalay ni Hercules, sa Jubay, Liloan gilungkab kini, og dako dako gyod ang damage, kay gawas nga giguba ang pultahan, nadala pa ang iyang TV set, component, duha ka wireless microphones ug bag ni Hercules nga gisudlan niya sa iyang kwarta nga dili momenos sa P 5,000.00 ug mga alahas.

Si Hercules Yap Yuson, anak ni kanhi Jubay Barangay Captain Lily Yap Yuson ug kanhi magsusulat anhing Dionisio Yuson. Ang balay ni Mother Lily (as she is fondly called by friends of Hercules in showbiz), duol ra sa Barangay Hall samtang ang balay ni Hercules, labang sa karsada ug naduol sa baybayon. Gitoohan nga ang naglungkab, didto moagi sa baybayon, busa wa mamatikdi sa ubang mga lomulopyo sa ilang dapit.