Dennis unang pambato sa Indi Music

Napuno gayod sa grasya karon ang aktor nga si Dennis Trillo tungod kay gawas nga nangharos na siya og acting awards, siya maoy labing una nga recording artist sa IndiMusic nga gipanag-iya nila ni Regine Velasquez, Ogie Alcasid, Cacai Velasquez, Raul Mitra ug Leo Dominguez. Gibutyag ni Popoy Curocativa nga daghan ang nag-ilog ni Dennis apan ang bag-ong nahimugso nga recording company ang ilang giganahan.

" Kasi, dito, parang maalagaan siya ng husto dahil syempre, siya ang first recording artist. Maiga-guide siya nina Regine at Ogie na napakagaling na singers, di ba ?" pasabot pa ni Cocoy ngadto sa PangMasa.

Miingon si Cocoy nga nakaseguro sila nga maayo ang ugma ni Dennis sa recording ubos unya nila ni Regine ug Ogie. Gawas pa matud niya agresibo ug interesado na gayod si Ogie kang Dennis.

" Kasi 'yung iba, parang nagpaparinig lang na gusto nilang kunin, mga ganu'n. Pero ito talaga, may mga plans na agad na sila ang bahala sa lahat, kaya naman nag-decide ako at si Dennis din na tanggapin ang offer."

Gi-schedule pa ang pagahimu-on'g recording ni Dennis ug wala pa nahuman ang mga piyesa apan adunay mga hagawhaw nga aduna sila'y duet ni Regine ug aduna'y kanta nga pagahimuon si Ogie para kaniya.

Excited na ang mga himantayon sa kauluhan alang sa debut album ni Dennis ug matud pa ni Ogie, hugot ang iyang pagtuo nga mamahimung major recording star ang aktor.

Oyo Boy apil na sa 'Majika"

Samtang wala malikayi nga gipangutana usab si Dennis unsay iyang reaksyon sa pagsulod na ni Oyo Boy sa Majika, ang telepantaserye nila ni Angel Locsin. Mitubag si Dennis nga walay problema niya sanglit maayo nga aktor si Oyo Boy.

Nasayran sa PangMasa nga tulo ka semana nga mu-guest si Oyo sa "Majika" ug gawas pa nga base sa balita sa Banat Hugyaw kagahapon, kuyog usab silang tulo sa lilas nga " Text" ubos sa APT Productions.

Sa laing bahin dili na buot si Dennis mokomentaryo kalabot sa wala madayon nga espesyal unta nila nga relasyon ni Angel, sanglit tua naman sa mga bukton ni Oyo mag-pa uraray ang aktres.

"Ayoko namang pagsimulan pa ito ng gulo. Okay naman kami ni Angel as magkatrabaho, so ganu'n lang ."

Almost one year na nga wala siya'y lovelife apan nibukad ang iyang atay nga hapit tanang female young stars siya gayud maoy crush.

Nasayran sa PangMasa nga lakip sa na-crush kang Dennis mao sila si Lovi Poe, Glaiza de Castro, Inah Revilla ug lakip na usab ang bag-o palang misikat nga si Alyssa Alano.