Juliana giuwan og projects

Human sa tulo ka tuig subling magbida sa pelikula si Juliana Palermo pinaagi sa pelikulang "Barang" ubos sa Northern Star Productions nga gipanag-iya ni Governor Chavit Singson.

Unang nagbida si Juliana sa iyang launching movie ubos ni direk Tikoy Aguiluz-ang kontrobersyal kaniadto nga www.XXX.com.

Sa "Barang" si Juliana mao si Igna, ang babaeng biktima sa barang nga tungod sa usa ka lalaki nga labihang nahigugma niya ug nagpakamatay. Namatay si Igna apan wala magmalinawon ang iyang kalag hinungdan nga kanunay kining magmulto.

"Matatakutin ako sa ganitong mga klaseng movies but since they entrusted me with the role of Igna, might as well gawin ko na," sey ni Juliana. "Sayang din naman kasi it's a good role. Lalagyan nila ako ng mga prosthetics at gagawin nila akong nakakatakot talaga. It's my first time nga to do something like this kaya excited na rin ako," pong pa ni Juliana sa interview sa PangMasa.

Sa Vigan ang shooting sa "Barang" sulod sa napulo ka adlaw ubos sa direksyon ni Buboy Tan diin apil usab sila si Jacklyn Jose, Elizabeth Oropesa, Liza Lorena, Vangie Labalan, Cristine Reyes, Mike Tan ug daghan pa.

Nahuman na usab ni Juliana ang duha ka digital films nga dunay mga titulong "Faces Of Love" ug "Xerox." Karong October ipasalida na ang "Kaleldo" diin apil usab siya.

Human sa "Barang" sugdan ni Juliana ang usa ka international film nga adto himoon sa India. First year ang title sa maong movie.

Sam wa sugta ni Toni

Kung walay giangkon sila si Toni Gonzaga ug Sam Milby atol sa presscon sa "You Are The One" sa Star Cinema, sa managlahi nga interview nilang duruha sa PangMasa, ilang giangkon nga ganahan sila sa usag-usa.

Apan wala gayud sugta ni Toni si Sam kay matud pa sa dalaga dili pa panahon apan iyang giingon nga dako og tsansa si Sam kaniya.

Tungod niini dunay mga nangutana kon si Toni ba ang hinungdan nga mipalit og balay si Sam sa Greenwoods sa Pasig City kantidad og P4 million.

Lima ka buok ang kwarto sa maong balay ug hangtud karon gihulog-hulogan pa niya ang tibuok kantidad sa maong balay nga dunay floor area nga 200 sq.m.

Hinoon miingon ang mga himantayon nga dili kahibudngan ang pagpanag-iya ni Sam og mahalong balay tungod kay dose na kabuok ang iyang commercial endorsements.

Dungan niini miingon si Sam nga naguol siya tungod kay karon nga nahuman na ang ilang pelikula ni Toni dili sila permanente nga magkita, tungod kay matag Domingo na lamang sila magkauban sa ASAP '06.

Pareho na silang busy, si Toni mulupad paingon sa Spain alang sa taping sa iyang umaabot nga soap with Luis Manzano, ang "Crazy For You" ug magpabilin siya didto balig duha ka semana.

Samtang magsugod usab si Sam sa taping sa iyang bag-ong soap ang "Maging Sino Ka Man" with Christopher de Leon, John Lloyd Cruz ug Bea Alonzo. Hinoon sa August 26, matag Sabado magkuyog silang duha ni Toni isip mga hosts sa "Pinoy Dream Academy."