Kini tungod kay nasayran sa PangMasa nga sa story, dungan nga maaksidente silang duha ni Lorna Tolentino, apan ang kalag ni Lorna, maoy mosulod sa lawas ni Diana ug bisan og iya gihapong nawong ang ipakita kinahanglan nga sundon niya ang pagkatawo ni Lorna.
Miingon si Diana nga naglisud siya sanglit tanang mannerisms ni Lorna kinahanglan niya nga makat-onan, unya dili malimod nga banggiitang aktres ang nahisgutan. Tungod niini mitug-an si Diana sa PangMasa nga nagpatabang gayud siya ni direk Mac Alejandre aron makaarte siya bisag katunga lang sa ka maayo ni Lorna.
Samtang nahimuot ang PangMasa kang Lorna sa dihang gipangutana unsay iyang gibati nga gisundog siya ni Diana. Miingon ang nahisgutang aktres nga wala kini problema kay maayo man usab nga artista si Diana. Ang nabalak-an ni Lorna mao nga basin moingon ang direktor nga sundogon niya si Diana, nga labihan ra ba ka sexy niini ug wala ra gani siya makatunga.
Dungan niini gipadayag ni Diana nga semana na siya nga nag-south beach diet tungod kay gimanduan na siya sa iyang manager sanglit medyo niburot na siya ug klaro kaayo sa screen. Miingon si Diana nga medyo nidako gyud siya sanglit human sa 'Encantadia" taud taud usab siya nga nakapahuway diin naniguro gyud siya og pahuway sanglit usa ka tuig nga lapoy ang iyang lawas tungod sa taping.
Kanunay usab siya nga mag-show sa Indonesia hinungdan nga wala na siya maka-exercise.
Sa nasayran hagbay ra nga gilambigit ang duruha nga dunay espesyal nga relasyon labaw pa sa panaghigalaay bisan pa man og kanunay na kini nilang gipanghimakak.
Wala usab ibutyag ni Ogie kinsa ang mga artists nga gunitan sa ilang kompaniya apan usa sa gikataho mao si Dennis Trillo. Gipaabot hinoon nga mohimo og album silang duruha ubos sa ilang kompaniya sa higayon nga wala na sila ubos sa Viva Records.
Nasayran usab sa PangMasa nga bag-o lang miuli si Ogie didto sa Australia diin atua na ang iyang pamilya. Gani mapasigarbohong gibutyag ni Ogie ngadto kang Salve Asis, Entertainment Editor sa PangMasa ug kolumnista sa The Freeman, nga ang iyang kinamaguwangan nga anak nga si Lila medyo artistahon usab. Gani miapil na ang nahisgutan nga bata og talent quest sa iyang tunghaan-St. Paul's Catholic School,didto sa Australia.
Tres anyos pa lang si Lila apan nagpakita na siya og talento sa pagkanta. Ganahan si Ogie nga mahimong performer ang iyang anak ugma damlag: "Yes but I think I prefer that she finished her schooling first," pong pa ni Ogie ngadto ni Salve.
Miingon usab ang mga himantayon nga hayan nagtubo si child actor sa maong bisyo tungod kay dili man usab maayo ang iyang environment.
Ang makapakurat mao nga bisan kinsa na lang ang sultihan ni child actor- babaye, lalaki, bata ug tiguwang, way sipyat nga istoryahan niini sa iyang latest boso escapades.
Nasayran nga nagsugod ang maong bisyo ni kanhi child actor dihang aksidente nga nakalili siya nga nag-sex ang iyang mga silingan. Bongbong ra maoy nakauwang sa ilang nahimutangan busa na-curious kini nga susihon ang kasikas nga iyang nadungog ug natayming usab nga dunay lungag sa bongbong hinungdan nga nakita gayud niya ang gibuhat sa iyang silingan nga magtiayon. Suma pa nga daw eksena sa pelikula ang nakita ni kanhi child actor hinungdan nga nakugang kini.
Suma pa nga tungod kay naanad na si kanhi child actor sa maong bisyo daw experto na siya sa sex bisan og igo lang siya nga namoso sa iyang mga silingan.