Robin ug Angel dunay soap opera

Nausikan kang "bad boy" Robin Padilla ang usa ka executive sa Kapamilya tungod kay hanap na gayud ang posibilidad nga mahibalik pa kini sa ilang poder.

Gibalita na dinhi sa Banat Hugyaw niadtong nakalabay nga buwan nga dunay pelikula nga himoon si Robin Padilla kauban si Regine Velasquez alang sa GMA Films.

Pwes karon ang balita sa PangMasa nagkanayon nga misugot na si Robin nga mohimo og soap opera alang sa GMA-7 diin leading lady niya si Angel Locsin.

Ang taho mao nga ang nahisgutang soap opera maoy ipuli sa "Majika." Gipaabot nga sagulan usab kini og action scenes sanglit kon kahinumduman usab, gibalita na sa Banat Hugyaw nga nag-ilogay kang Angel sila si Robin ug Cesar Montana alang unta sa usa ka action movie ubos sa Regal.

Apan nahanaw ang maong plano tungod kay niadtong Mayo sa dihang nagpakita og interes sila si Cesar ug Robin, labihan ka puno sa schedule ni Angel.

Matud pa sa usa ka ABS-CBN insider nga nahinabi sa PangMasa, gisayangan gyud sila sa pagbalhin ni Robin sa laing istasyon. Up to the last minute ila pa gani'ng giagni si Robin para dili mobalhin. Pangagpas nila nga igo lang kini maghimo og lilas sa GMA Films pero wala na kini madala.

Aryana gisamoksamok

Nasamok ang usa sa mga mainstays sa S.O.P. nga si Aryana tungod kay adunay nangangkon siya ang tinood nga talent manager sa nahisgutan nga singer dili si Ms. Geleen Eugenio. Naila kining tawhana sa ngalan nga Jemuel Luciano.

Giasay ni Aryana nga never daw niyang nahimong manager si Jemuel Luciano. Pero kaila siya niini kay si Jemeul ang nag-organize sa singing contest nga giapilan ni Aryana sa Guam diin migawas siya nga mananaog. Niadtong higayona gigamit niya ang tinuod niya nga ngalan nga Nia Lim

"To set the record straight, this person is not my manager. I don't have any written contract with him or did I sign anything to prove that he was my manager. Si Tita Geleen lang ang naging manager ko talaga. I will not deny the fact that I know him because he is the one who organized the singing contest in Guam and when he met me, pinasok niya ako sa contest. I had no intentions of joining that time pero salamat na rin at nanalo ako. But there was no agreement what so ever that he will be my manager after the contest. After nga ng contest, I never saw him again. Hindi ko nga nakuha ang ibang premyo ko from winning the contest. He did a lot of not so good things to me and my family kaya imposibleng siya ang maging manager ko," pong pa ni Aryana sa PangMasa.

Samtang, mag- 20 years old na diay si Aryana karong July 28 ug ang iyang wish mao nga magmadaugon unta siya sa World Championship of Performing arts nga iyang pagaapilan sunod buwan didto sa Hollywood, California.