Kini maoy migawas nga taho sa showbiz circle kagahapon busa miingon si Manay Lolit nga dili na niya problema ang nahitabo sanglit igo lang niyang gipanalipdan ang iyang talent nga si Pauleen Luna.
Suma pa ni Manay Lolit nga dunay mitawag kaniya kagahapon ug mipahibaw nga nasakitan og maayo si Cindy nga nabanhaw ang isyu nga naglive-in sila ni Jericho Rosales kaniadto.
Nangayo og dispensa si Manay Lolit apan nanghinaot siya nga sa dihang gipalakaw sa manager ni Cindy nga duna nay anak si Pauleen, nahuna-huna usab unta ni Odi ang gibati sa young star.
Nagsugod ang away sa manager ni Pauleen ug Cindy human matod pa gipanabi sa kampo sa naulahi nga duna nay anak ang nahauna.
Giingong gidaot nila si Pauleen tungod kay siya maoy higpit nga karibal ni Cindy alang sa endorsement sa usa ka credit card company.
Matod ni Manay Lolit nga unang rason mao nga 17 anyos pa lang si Pauleen. Sa December pa siya mag-debut, busa dili pa siya sugtan sa iyang amahan nga magpa-seksi bisan og sa pictorial.
Gani wala siya tugti nga morampa atol sa victory party alang sa 100 Sexiest Women sa FHM duha na ka semana ang milabay.
Gibutyag ni Manay Lolit Solis nga apil usab si Rudy sa "Atlantica" ang umaabot nga pantaserye sa GMA-7 nga matud pa magsugod karong September diin bisa si Dingdong Dantes.
Hinoon wala maka tambong si Rudy sa story conference sa Atlantica ni-adtong Dominggo kay wala paman siya muabot gikan sa iyang pagbakasyon karon sa Amerika.
Busa wala pa kasugdi ang iyang mga eksena kauban sila si Lorna, Polo Ravales ug Diana Zubiri alang usab sa Now and Forever.
Lain-lain ang isturya sa bag-o'ng season sa "Now & Forever" nga ang pagaulohan og "Linlang".
Lahi usab kini sa Linlang nga lilas nga gibidahan ni-adto ni Pops Fernandez.