Jeremy motingog na gayud

Usa lang ang reklamo sa mga showbiz reporters karon didto sa kauluhan- labihan ka mingaw busa ang isyu tali nila ni Jeremy Marquez, Alessandra de Rossi ug Jennylyn Mercado ang gipunayan og tuki ug makapuol na.

Hangtud karon wala pa gihapon magpa-interview si Jeremy apan karong gabii gipaabot mga motingog na siya sa pagpakighinabi kaniya ni Ricky Lo sa programang "Showbiz Stripped" sa GMA-7 karong gabii.

Ugma gipaabot usab nga motekang na si Jeremy sa S-Files aron hatagan og katin-awan ang tanan ilabi na ang anggulo diin naapil ang ngalan ni Jennylyn.

Apan pong pa ni Manay Lolit Solis sa PangMasa, dili kahibudngan nganong nagpakahilom si Jeremy. Kini tungod kay naliwat ang ulitawo ngadto sa iyang amahan nga si Joey Marquez nga dili interesado nga mohatag og pamahayag kon ang iyang personal life na ang hisgutan ilabi na ang lovelife.

Shaina nagdala og demalas

Gilabanan ni Manay Lolit Solis si Shaina Magdayao gikan sa mga pagsaway nga gibato ngadto sa young star nga gipadangat sa pipila ka fans sa Joross Gamboa- Roxane Guinoo loveteam.

Gibutyag ni Manay Lolit nga duna siyay nadawat nga mga suwat nga nanawagan nga dili ihinayon ang laraw nga ipares si Shaina kang Joross tungod kay dimalason o "jinx" ang nahisgutan nga younmg star.

Matud ni Manay Lolit nga inosente si Shaina ug gani wala man masayod ang dalaga nga manghod ni Vina Morales nga dunay plano nga ipares siya kang Joros.s

"Naging anak-anakan ko noon sa Lira si Shaina kaya may soft spot siya sa akin. Hindi tama na tawagin siyang jinx ng fans na masyadong apektado sa mga nangyayari sa kanilang mga idolo," birada pa ni Manay Lolit.

Pelikulang "Sukob" makapahadlok

Kahadlokan ang trailer sa Sukob base sa obserbasyon ni Manay Lolit Solis busa matud pa niya dili kahibudngan kon blockbuster na usab kini inig salida unya niini sa mga sinehan karong July 26.

Miingon si Manay Lolit nga dili na usab kini kahibudngan sanglit hagbay ra nga napamatud-an ni direk Chito Rono ang iyang ka libre, gani mikita man usab og dako ang remake sa pelikulang " Patayin Mo Sa Sindak si Barbara ug blockbuster usab ang Feung Shui.

Dungan niini mihirit si Manay Lolit nga nakabasa siya nga interesado diay unta ang nahisgutang director nga mohimo og pelikula kauban ang usa ka bold star apan wala nalang kini niya idayon tungod kay nabalaka si direk Chito nga maglagot kaniya si Manay Lolit.