Hugyaw sa Kapuso ugma na

Ugmang adlawa maghugop didto sa Mandaue Sports Complex ang mga sikat nga Kapuso Stars agig pagsaulog sa ilang 56 nga anibersaryo. Usa ka adlaw ang maong selebrasyon diin duna usay libreng serbisyo nga paambitan alang sa tanan nga motekang unya didto ugma.

Lakip sa motambong aron makighimamat sa ilang mga fans ug supporters mao ang labing dagko nga ngalan sa News and Public Affairs sa GMA-7 sama kanila ni Mike Enriquez, Mel Tiangco, Jessica Soho ug Arnold Clavio, kauban usab sila si Jiggy Manicad, Susan Enriquez ug Love Añover.

Motambong usab ang labing init nga mga Kapuso stars sama nila ni Patrick Garcia, Camille Pratts ug Rhian Ramos; Kili-TV's Keempee de Leon, Maureen Larrazabal and Francine Prieto; ug SOP barkada nga sila si Jay-R ug Kyla.

Lakip sa libreng serbisyo nga mapahimuslan mao ang "libreng tawag abroad" dalit kaninyo sa 24 Oras Saksi ug Balitang Bisdak, "Libreng Gupit" nga idalit sa Wish Ko Lang!, Kay Susan Tayo ug ang labing bag-ong programa Ang Pagbabago. Samtang "Libreng Bitamina/First Aid" services gikan sa Emergency.

Walay puas nga kalingawan ang idalit usab sa mga bitoon gikan sa mga programa sa GMA-7 sama sa Captain Barbell, Bahay Mo Ba 'To, Lagot Ka, Bubble Gang, SOP Oi! Tiguwang dalaga sa MMK

Atangi karong gabii sa "Maala-Ala Mo Kaya" ang istorya sa usa ka "old maid" o tiguwang dalaga nga hatagan og kinabuhi sa komedyante nga si Eugene Dominggo (Cecil) kauban usab si Gina Pareño (Choleng).

Unsay mahimong kalambigitan ni Bentot (Aaron Junatas) ang libud suroy nga bata sa kinabuhi sa accountant nga si Cecil? Unsay mahitabo ning pagbalik ni Roger (Jay Manalo) sa kiliran ni Cecil? Atangi sa "Maala-ala Mo Kaya" karong gabii ang istorya nga mosentro sa mga tiguwang dalaga, sa direksyon ni Wenn Deramas ug sa istorya nga sinulat ni Maribel Ilag. - PR