Juliana busy sa career, loveless?

Ugma puhon, 21 years old na ang sexy actress nga si Juliana Palermo. Tsika ni Manay Cristy Fermin sa PangMasa, July 12 ang birthday ni Juliana.

Matud ni Manay Cristy nga naghinamhinam na si Juliana tungod kay mamahimo na unya siya nga musolod sa mga bars didto sa Amerika dili sama niadtong nakalabay nga tuig nga wala siya pasudla kay matud pa underage pa siya og nawong.

Dugang tsika ni Manay Cristy nga walay dako nga party si Juliana ugma. Buot lang niya nga makig-dinner kauban ang iyang suod nga mga higala.

Gawas pa busy usab si Juliana sanglit nagpadayon pa ang shooting sa X 44 starring Vhong Navarro under the direction of Bb. Joyce Bernal alang sa Star Cinema.

Apil usab si Juliana sa comeback movie ni national artist Direk Eddie Romero, ang Faces Of Love diin loveteam niya si Alfred Vargas.

Nahuman na usab ni Juliana ang digital film nga Kalildo, apan wala pa kini playdate.

Samtang nangangkon si Juliana nga loveless siya karon. Next month mulupad si Juliana ngadto sa Amerika aron bisitahon ang iyang inahan nga tua na didto magbase.

'Ang Pagbabago' karong hapon

Magsugod na karong hapon ang bag-ong show sa GMA News and Current Affairs nga giulohan og "Ang Pagbabago" diin sila si Alfred Vargas ug Diana Zubiri ang mga hosts.

Ang tsika ni Manay Cristy nga bisan tuod wala siya makakita sa premiere sa maong show apan positibo ang feedback nga iyang nabati, bisan kon buot hunahunaon unang higayon pa lang nila ni Alfred ug Diana nga mag-host.

Kahinumduman nga gikasab-an ni Manay Lolit Solis si Alfred tungod kay duna na usab diay unta kini laing sexy pictorial. Wala musugot si Manay Lolit tungod matud pa niya dili na kini makaayo sa iyang "alaga."

Gitambagan hinoon niya si Alfred nga himoong idolo si Paolo Bediones inay mag-pasexy pa siya sa mga pictorials sanglit dili na kini haom nga tan-awon alang niya, karon nga TV host na siya.

Samtang gipadayag ni Diana nga mas wholesome na ang iyang roles nga dawaton karon sanglit nasugdan na niya kini pinaagi sa Seiko Films movie nga "I Wanna Be Happy."

Dungan niini, nasayran sa PangMasa nga sanglit sikat si Diana didto sa Indonesia, subling i-release ang album niini didto sa maong nasud nga giulohan og Dezire: The Diana Zubiri Videoke Collection ubos sa BMG Records. Apan matud pa nga gitangtang na ang sexy pictures sa maong album.