Habig ni Superstar Nora Aunor

Dili pa mahimong mupauli si Nora Aunor dinhi sa nasud tungod kay wala pa mahuman ang drug case niini didto sa Amerika. Matud pa nga kon mupugos gayud siya og pauli, hayan dili na siya makabalik didto sa hingpit.

Namingaw na usab ang kampo ni Nora tungod kay wala na mamahayag ang abogado sa Superstar. Apan ang tsika ni Manay Lolit Solis sa PangMasa, "mismong si Nora na ang magkukuwento dahil nainterbyu siya ni Papa Ricky Lo nang magpunta ito sa Amerika. Mapapanood ang interbyu kay Nora sa Showbiz Stripped at sa pagkakaalam ko, siya ang mapapanood sa buong show ni Papa Ricky."

Duna usay interview kang Lotlot de Leon nga naglaraw nga mulupad paingon sa Amerika aron duawon ang iyang inahan.

Litrato ni Camille, giretoke?

Naglalis ang mga nakakita sa litrato ni Camille Pratts sa 100 Sexiest Women ng FHM.

Kini tungod kay labihan ka sexy ni Camille sa mga litrato hinungdan nga nagpangutan-anay sila kon giretoke pinaagi sa computer ang lawas sa kanhi child star.

Naglibog ang mga nakakita sa litrato tungod kay lahi ang Camille nga ilang nakita atol sa Bench Fashion Show didto sa Araneta Coliseum last week, sanglit diretso ug chubby ang lawas niini.

Pwes ang mensahe ni Manay Lolit Solis ngadto sa mga naglalis, mao nga dili na kinahanglang lantugian unsay tinood tungod kay kon unsa ang ilang nakita sa personal maoy angayan nga tuohan.