Suitor ni Rochelle, politician

Matam-is ang mga pahiyum ni Sexbomb Rochelle Pangilinan karon tungod kay inspired kini sa bag-o niyang politician suitor. Apan ang tsika sa PangMasa nagkanayon nga mihangyo si Rochelle nga ililong lang una ang identity sa lalaki. "Baka kasi masira ang friendship namin kaya huwag na lang. Secret muna 'yan," pong ni Rochelle. "Kapag okey na siguro ilabas, magsasalita naman ako. But for now, hanggang blind item muna siya!"

Samtang padayong gisabong sa entertainment press sila si Rochelle ug Iwa Moto kabahin sa isyu'ng boyfriend karon ni Iwa ang kanhi uyab ni Rochelle nga si Yexel Sebastian apan subling gipalanog sa nahisgutan nga dugay na silang buwag ni Yexel maong okay ra niya nga ma-link kini sa uban.

Dungan niini gipangutana siya sa PangMasa kon motuo ba siya nga si Iwa na ang gihulip ni Yexel kaniya, diin iya kining gitubag nga, "Marami naman siyang pinalit sa akin, eh!" pong pa ni Rochelle nga nagkatawa. "Hindi lang siguro si Iwa. Before si Iwa ay marami-rami pang babae 'yan! Pero mabait naman si Yexel, eh kaya malapit ang mga girls sa kanya. Ewan ko lang kung sila na ni Iwa. Pero hindi ako magugulat kung maging sila kasi mukhang bagay naman silang dalawa."

Giklaro ni Rochelle nga walay problema niya kon maistoryahan man ugaling nila si Yexel kon ugaling magkita sila ni Iwa o magkauban sa usa ka proyekto.

Samtang nagsugod na kagahapon sa hapon ang Season 12 sa Daisy Siete ( Landas ) nga gilangkuban ni Rochelle ug sa ubang Sexbomb girls diin sa unang higayon action ang tema niini busa gipailawom una sila sa martial arts training.

Barbie padayong giswerte

Dako ang kalipay nga natagamtam karon sa singer nga si Barbie Almalbis, ang gikaingong "Rock Princess" sa Pilipinas, tungod sa mga grasya nga padayon niyang natagamtam karon.



Una niini gikasal na si Barbie ngadto sa iyang boyfriend nga si Martin Honasan sa usa ka Christian wedding nga gipahigayon sa ilang kaugalingong panimalay diin musunod usab ang kasal sa simbahan sunod tuig.

Sa pagkakaron, mag-concentrate una si Barbie sa iyang singing career nga padayong minindot ug misaka bisan man tuod daghan na siya'g kumpetinsya.

Wala pa man tuod siya miabot og usa ka tuig isip solo artist sa 12 Stone Records, wa'g tuo na ang iyang mga kalampusan. Una na niini ang paglampus sa iyang mga gisuwat nga mga jingles para sa major advertising campaign sa Close-Up ug Sunsilk. Misunod niini ang iyang mga collaboration uban ni Ely Buendia sa kanta'ng "Nakakabaliw" nga padayong misikat sa mga radio station countdown ug sa grupong The Speaks nga naggikan sa Washington D.C.

Ang iyang bag-ong album nga Parade miani usab og daghang hit songs sama sa "High" (duet with The Speaks), "Summer Day," "Overdrive" (an Eraserheads cover) ug "Dahilan." Dakong pasalamat usab ni Barbie sa malampusong first major concert niya sa Araneta Coliseum nga gipanganlang "Barbie Rocks the Big Dome" tungod sa suporta sa iyang mga fans sugod pa nga siya lead singer sa grupong "Hungry Young Poet."

Padayon ang pag-abot sa suwerte ni Barbie. Gani, niadtong June 24, midaog siya isip Teen Choice awardee for Favorite Female Artist of the Year sa Meg Magazine. Nakadawat usab siya og tropeyo gikan sa PARI Awit Awards isip Best Female Recording Artist of 2005 sa kanta'ng "Just A Smile". Gani, iyang napildi ang ubang sikat nga mga singers sama nila ni Regine Velasquez, Rachelle Ann Go, Ella Mae Saison ug Nina.