John Wayne nanghagis kay nangabubho

Si John Wayne Sace diay ang gipasabot sa mga blind items niadtong nakalabay nga adlaw kinsa giingong "nagwala" gumikan sa pangabubho.

Ang tsika sa kolumnista sa PangMasa nga si Cristy Fermin nagkanayon nga "nagwala" si John Wayne dihang iyang nataymingan nga miduaw si Jayson Abalos kang Maja Salvador didto sa set sa Quizon Avenue niadtong Miyerkules.

"Ang dahilan ng pagwawala niya, si Jayson Abalos, pinuntahan niya kasi si Maja sa set ng Quizon Avenue. Magkaibigan lang sila ni Maja, nagkasama kasi sila sa MMK, dun sila naging close. Siyempre, magkaibigan, nagte-texan sila. Dumaan lang naman si Jayson para mangumusta, pero minasama yun ni John Wayne, si Maja ang pinagbuntunan niya ng galit kay Jayson," pong pa sa source ni Tita Cristy.

Matud pa nga gihagit pa ni John Wayne si Jayson og sumbagay apan gibuwag sila sa manager ni Maja nga si Manay Chit Ramos. Apan nagpanikad gayud si John Wayne busa gipasagdan na lang siya, apan matud pa nga mikakak na usab siya.

Nagkanayon si Tita Cristy nga wala nay katungod si John Wayne nga mangabubho kang Maja tungod kay wala na silay espesyal nga relasyon. Daghan ang giusikan kang John Wayne tungod kay maayo kining mo-arte nga mata lang ang palihokon apan gumikan sa mga problema medyo nahimo na siyang pasaway.

Yasmien niwang na

Gipaniguro ni Manay Lolit Solis nga motambong si Yasmien Kurdi sa awards night sa 100 Sexiest Women of FHM karong July 6 diin usa ang nahisgutan sa mga nalakip.

"Walang takot na rarampa ang aking alaga sa FHM party dahil ipinagmamalaki niya na pumayat na siya. Ako man eh nagulat nang makita ko na nangayayat si Yasmien. Effective talaga ang pagpunta niya sa clinic ni Dra. Vicki Belo dahil narindi na siya sa mga pumupuna sa kanyang healthy body," pong pa ni Manay Lolit sa iyang column karon sa PangMasa.

Gani matud niya nga sa iyang paminaw, mas slim pa si Yasmien karon kon itandi sa lain pa usab niya nga talent nga si Pauleen Luna.

Sa nasayran ang batchmate ni Yasmien nga si Katrina Halili maoy giisip nga labing sexy nga babaye sa tibuok nasud. Nagsunod niya si Angel Locsin nga bag-o na usab og costume sa Majika.

John ug Jericho diriyot magsumbagay

Nagparetoke sa iyang sampot si John Estrada hinungdan nga usa siya sa giatangan og maayo niadtong Biyernes sa gabii atol sa Bench fashion show sa Araneta Coliseum.

Ang taho ni Manay Lolit mao nga napuno og maayo ang venue, gani gituohan nga mas daghan pa ang milugwa didto kaysa mitambong sa Star Awards.

Matud pa nga usa si John sa mga gibantayan og maayo tungod kay mapasigarbohon man niyang gipahibawo nga nagparetoke siya kang Dr. Vicki Belo, hinungdan nga confident siya nga nag-brief.

Laing gika-hugyawan og maayo matud pa mao sila si Keanna Reeves ug Maureen Larrazabal tungod kay nagtigi sila sa gidagkoon sa ilang boobs. Giatangan usab ang eksena nila ni John ug Keanna.

Midugang si Manay Lolit nga sawsawan usab sa taho karong mga panahona si John tungod sa nahitabong confrontation nila ni Jericho Rosales didto sa Mall of Asia niadtong Huwebes sa gabii diin matud pa magdiha gayud unta ang duruha kon wala pa mopatunga si Gary V.

Wala pa matino ang hinungdan sa maong confrontation apan ang mga himantayon nagkanayon nga hayan may kalabutan kini kang Heart Evangelista nga kaniadto gikatahong "special friend" ni John Estrada ug karon girlfriend ni Echo.