Kini tungod kay misaad siya kang James Yap nga dili na siya mag-artista ug katapusan na lamang ang "Sukob" ubos sa Star Cinema kauban si Claudine Barreto sa direksyon ni Chito Roño.
Sa nasayran sa PangMasa ka pito sa usa ka semana makita si Kris sa telebisyon ug kaduha sa usa ka adlaw gikan sa Lunes hangtud sa Biyernes tungod kay gawas sa 'Game Ka Na Ba" aduna pa man siya'y "Kapamilya-Deal or No Deal."
Si James gayud ang bugtong rason niining desisyon karon ni Kris, gani iyang gitug-an nga tulo na ka teleserye ang iyang gibalibaran tungod kay mogahin siya og panahon ngadto sa basketbolista.
Duna pa siyay two picture contract ubos sa Regal Films ni Mother Lily Monteverde apan matud pa niya iya ra kining resolbahon kon duna nay tanyag.
Miingon si Kris nga human sa showning sa "Sukob" ug sa iyang hosting assignment alang sa Deal or No Deal, ang pagbaton og anak maoy ilang focus ni James sa 2007.
Usa ka buwan nga nawala sa nasud si Piolo ug niining gidugayona wala pa gihapon mahuwas ang iyang mga fans sa gibati nila nga kahiubos nganong si Rica Peralejo pa ang gipili niini nga hinigugma.
"Kahit kayo sa media, may feeling na Rica will pull down the career of Piolo," hirit sa usa ka fan. "Kasi kaming mga tumatangkilik sa kanya, happy na sa tambalang Piolo at Juday, pati na Piolo at Claudine. Biglang papasukan ng isang Rica na kahit minsan hindi namin nakagaangan ng loob."
Kahinumduman nga dugay-dugay usab nga mipahuway si Philip diin ang katapusan niyang pelikula niadto pang 2001.
Suma pa sa taho nga nasagap sa PangMasa teleserye ang gikatakdang himoon ni Philip ubos sa Kapamilya network.
Nasayran nga sa kadugayon sa pagkawa ni Philip sa showbiz, busy siya sa iyang pagka-pastor diin matud pa siya maoy naghimo og paagi aron magkauli ang nagbuwag na unta nga sila si Dan Fernandez ug Shiela Ysrael.
Ang nasayran sa PangMasa mao nga pares sila si Dingdong ug Pauleen Luna busa gipaabot na nga mosamot ang intriga tali nilang duha.
Nasayran usab nga duna pay laing artista nga babaye nga apil sa "Atlantica" apan si Izza Calzado nga gipangutana kon siya ba ang buot ipasabot wala usab modetalye og igo lang miingon nga duna siyay teleserye nga himoon ubos sa GMA-7.
Usa ka GMA-7 insider mihagawhaw sa PangMasa nga ang "Atlantica" istorya sa usa ka syudad nga ka-unloron na apan iyang gipaniguro nga dili kini may kalabutan sa super heroes.
Samtang hugot nga gipanghimakak nila ni Dingdong ug Pauleen nga duna silay relasyon tungod kay matud pa sa nahauna seryoso siya sa iyang gugma alang kang Karylle.
Tsika sa PangMasa nga apil si Jordan sa Season 12 sa "Daisy Siyete" nga giulohan og "Landas", nga magsugod na karong Lunes sa hapon sa GMA-7.
Mga usa ka tuig usab nga nawala sa sirkulasyon si Jordan sanglit ang katapusan niyang project mao ang TV series nga "Leah" samtang ang iyang katapusang pelikula mao ang "Bugbog Sarado" with Maui Taylor nga medyo dugay na usab.
Aminado si Jordan nga naapektuhan ang iyang career human nabungkag ang Powerboys, maayo na lang kay duna siyay napundar nga car wash shop busa mao ni iyang gikuhaan og panginabuhian.
Dungan niini hugtanong gipanghimakak ni Jordan nga patyonon siya og usa ka matrona nga naglagot niya human niya buwagi. Matud ni Jordan faithful siya sa iyang girlfriend karon nga maoy inahan sa iyang duha ka anak.
Mitumaw ang maong tawag kang Sarah human matino nga siya gayud ang napili alang sa 'Dear Heart" nga maoy unang pelikula ni Sharon kaniadto. Gawas niini nagpadayon usab ang "Bituing Walang Ningning" sa ABS-CBN diin si Sarah usab ang bida.