Daisy Romualdez nauwawan

Dako nga pangutana karon sa showbiz unsaon paghilot ni Ms Daisy Romualdez ang sitwasyon human siya nagyawyaw og maayo nga nag-inarte si Rica Peralejo sa ilang show ni Piolo Pascual ug Pokwang didto sa Barcelona Spain ning bag-o lang.

"Nadamay lang si Piolo, yung babae ang nag-inarte, mabait din daw si Pokwang, si RP daw talaga ang maarte! Bakit, sino ba siya? Sikat na ba siya? May K na ba siyang mag-inarte, sino ba siya?" birada pa ni Daisy batok ni Rica.

Nasayran sa PangMasa nga usa si Tina Paner sa mga organizers sa maong show ug matud pa nagpalaban kini kang Daisy nga naghilak tungod kay suma pa wala mutuman ang mga artista ug gibiyaan ang ilang mga fans nga namuti na lamang ang kalimutaw og paabot kanus-a sila mulugwa.

Apan human sa usa ka adlaw gitin-aw ni Tina nga dili sala sa mga artista kon dili sa usa ka ginganlan og Mickey Muñoz nga maoy nikuyog sa mga artista pabalik sa hotel nga ilang giistaran.

Apan ang kampo ni Mickey miingon usab nga wala silay sayop nga nabuhat tungod kay ang gikasabutan mao nga kinse minutos lang ang ilang gikasabutan sa producer aron mo-istar ang mga artista ug mo-abi abi sa mga fans. Gawas pa way lami ug baho ang dapit nga nahimutangan sa mga artista busa dili na sila komportable hinungdan nga midesisyon sila nga manglakaw na. Vaness, bag-ong kontrabida

Bisan og sayo siya nga natangtang sa Starstruck 3 si Vaness del Moral daghan gihapon siya og proyekto sa GMA-7 karon sama sa Project 11 ug Love To Love: Season 11 ug karon apil usab siya sa bag-ong teen show sa QTV Channel 11 nga "Posh."

Busa si Vaness nga nahinabi sa PangMasa nagkanayon nga swerte siya tungod kay daghan siya og nadawat nga grasya ug matud pa niya, hayan nahimuot ang GMA-7 niya. Gani na-guest na usab siya sa Nuts Entertainment, Bubble Gang ug Love To Love: Season 10.

Apan nasayran sa PangMasa nga sa Posh nga magsugod na karong Sabado kontrabida na ang iyang role diin loveteam niya si Vivo Quano.

"Marami kasi ang nagsasabing pangkontrabida raw ang looks ko. Kaya okey lang na maging mean girl ako rito sa Posh. Magugulat sila sa pagiging maldita ko sa show," pong pa niya.

Hinoon bisan og medyo "palaban" ang personalidad ni Vaness mogawas ang pagka emosyonal ni Vaness kon mahisgutan ang iyang amahan nga si Emilio Bernardo del Moral.

Kini tungod kay dugay na sila nga wala magkita ug ang labing uwahi nga balita mao nga nakapamabdos na usab ang iyang papa sa uyab niini karon. "Pang-number 11 na siyang kapatid ko," mikatawa na lamang siya. "Ewan ko ba kung bakit nagpaparami ng lahi ang daddy ko. Sana kung kaya niya kaming suportahan lahat, okey lang. Kaso hindi rin kaya doon sumasama ang loob ko at ang iba kong kapatid."