Mark walay uyab, puno sa grasya

Walay uyab si Mark Bautista karong mga panahona apan wala kini niya igsapayan gumikan kay ang iyang career maoy iyang gihatagan og igong panahon. Pong pa ni Mark nga nahinabi sa PangMasa, mapasalamaton kayo siya sa mga grasya karon nga iyang nadawat ug pinaagi sa pag-giya sa iyang parents iya nagamit ang iyang kinitaan gikan sa showbiz ngadto sa mga maayong butang. Wala usab maproblema si Mark bisan pa og ASAP na lamang ang iyang regular show sa ABS-CBN tungod kay magsigi usab sila og larga alang sa mga concert tours abroad. Gani bag-o lang sila nga nahibalik ni Sarah Geronimo gikan sa Bahrain diin mipasundayag sila atubangan sa hari ug rayna sa maong dapit nga nakagusto diay og maayo nila busa gigasahan sila og maayo. Samtang nasayran sa PangMasa nga sa tibuok buwan sa Agosto mibiya na usab sila ni Sarah dinhi sa nasud alang sa napulo ka mga shows didto sa Las Vegas, Los Angeles, Chicago ang Seattle, kauban usab sila si Jimmy Marquez ug Kris Lawrence.

Pwes adto sa Amerika mag-birthday si Mark karong August 10. Ilibot usab sa Viva Concert ang first major concert niya didto sa Aliw Theater ngadto na sa nagkadaiyang dapit sa Pilipinas sugod dinhi sa Sugbu karong Sabado June 24, sa Koronadal sa July 17 ug sa iyang yutang natawhan sa Cagayan de Oro, sa September 14. Moadto usab sila ni Sarah sa Saipan alang sa lain usab nga show samtang sugdan usab niya og promote ang iyang third single gikan sa Dream On album diin ang titulo sa kanta mao ang "And By Now" nga, produced ni Christian de Walden sa Viva Records.

Last week, mipauli si Mark sa Cagayan de Oro aron buksan ang gamay nga restaurant alang sa iyang mommy samtang duna usab siyay gitan-aw nga luna nga plano niyang paliton.

Jackie suspended gihapon

Wala gihapon makatunga si Starstruck Ultimate winner Jackie Rice sa SOP Gigsters niadtong Domingo sa hapon gumikan kay under suspension gihapon siya.

Nasayran sa PangMasa nga gisilutan si Jackie tungod kay kanunay kini nga ma-late sa call time sa maong show nga unta duol raman ang iyang pinuy-anan sa GMA-7 Complex. Tungod niini miingon ang mga tigpaniid sa showbiz nga angayan nga huna-hunaon ni Jackie unsay gusto niyang mahitabo sa iyang career inay magpalabi siyag padako sa iyang ulo.

Matud pa nila kon padayon nga magpabadlong si Jackie hayan maapsan siya ni Iwa Moto nga tulo na ang regular shows ingon man ni Jana Roxas nga tulo usab ang regular shows. Si Jackie sa laing bahin matud pa duha lang ang regular shows sa GMA-7 sa pagkakaron.

Singsing giuli na ni Alex

Giklaro ni Alessandra de Rossi nga sa wala pa ang Holy Week nagbuwag na diay sila ni Jeremy Marquez.

Gitin-aw usab ni Alex sa PangMasa nga nag-istorya na sila ni Jeremy ug iya nang giuli ang engagement ring nga gihatag sa ulitawo ngadto kaniya. Labaw sa tanan iyang gitin-aw nga imposibli ang mga taho nga nagbalik na sila ni Jeremy tungod kay baruganan na niya nga dili na makig-uli sa mga uyab nga iya nang gibuwagan. Samtang milimod si Alessandra nga nagkauyab na usab sila ni Lusi Alandy nga maoy iyang leading man sa iyang labing bag-o nga pelikula nga didto pa sa Barcelona Spain ang shooting. Miingon si Alex nga bisan sa wala pa ang ilang movie, suod na silang daan ni Luis tungod kay dugay na sila nga managhigala. Dunay mihagawgaw sa PangMasa nga niadtong Biyernes nakit-an na usab sila si Alex ug Luis nga nag-uban og panihapon didto sa balay sa ilang nakauban usab didto sa Barcelona.