'Trying hard copycat'

Bongga ug hugyaw kaayo ang opening ug VIP Night sa bag-ong outlet sa McDonalds niadtong Hunyo nuwebe sa alas sais sa gabii. Kini gumikan kay mga sakop sa UC Dance Troup gayod ang milingaw sa mga nangagi sa bag-ong outlet diha sa Osmeña Blvd., sa Fuente Osmeña. Nalingaw usab ang mga VIP nga mga bisita lakip na ang pipila ka mga sakop sa media. Nagsul-ob pa gayod og mga formal long gowns ang mga singers nga nagsilbi usab nga mga receptionists sa wala pa sugdi ang program proper.

Ang CEO ug presidente sa McDonalds sa tibook Pilipinas nga si Mr. Young namahayag sa hinungdan nganong nagkadaghan karon ang mga outlet sa McDonalds dili lang sa nasod kun dili sa tibook Asia ug sa United States.

Ang wa lang kaayo mauyoni sa pipila ka mga sakop sa media kay dili na kadtong naandang giila na nilang Chief Happiness sa McDonalds nga si Ronald McDonalds maoy nakatambong. May miingon pa gani nga usa ka sakop sa media sa pagka kita niya sa dili "original" nga Ronald, "you are nothing, but a second rate, trying hard copy cat," kay daw wa siya makapakita sa iyang talent, ug dili sad siya kaayo makamaong makig-chika sa mga sakop sa media. Hain kaha ang original nga Ronald McDonalds? Midako kaha ang ulo, o nagpa mahal na sa talent fee? Pasabta ko Mr. Cerwin Eviota ug Mr. Christian Eje. (Duna raba kono'y nasagmuyo, sa pagkasayod nga, nagminyo na si Mr. Christian Eje). Sinoshiya?