Bamboo nangharos sa 19th Awit Awards

Angayan nga mosinggit og "Hallelujah" sa makabungog nga tingog ang grupong "Bamboo" tungod kay sila maoy nangharos sa 19th Awit Awards nga gipahigayon didto sa Casino Pilipino niadtong Huwebes sa gabii.

Ang balita sa PangMasa nagkanayon nga ang Bamboo maoy nakadaug sa mga pasidungog nga ""Song of The Year" ug "Album of The Year" "We wanted this," bugtong nalitok sa lead singer nga si Bamboo Manalac sa dihang gidawat niya ang tropeo sa "Song of The Year" diin gisugat siya og makabungog nga pakpak sa audience. Ang grupo maoy nakaangkon sa labing taas nga pasidungog gumikan sa kalampusan sa ilang carrier single-ang "Hallelujah" gikan sa ilang second album "Light, Peace, Love."

Lima ka tropeo ang nadawat sa Bamboo,"Best Ballad" ("Much Has Been Said" katabla sa Hale's "The Day You Said Goodnight"), "Best Rock"ug "Best Performance by A Group Recording Artists." Sila usay nahimong People's Choice Awards for Favorite Group.

Ang Bamboo gilangkuban nila ni Nathan Azarcon, Ira Cruz, Vic Mercado,ug Bamboo Manalac sila maoy gikagubtan karon og maayo, gani na-nominate usab sila sa "Music Video of The Year" (nadaog sa Rivermaya pinaagi sa kanta nga "You'll Be Safe Here") ug Best World/ Alternative Music (nadaog sa Itchyworms pinaagi sa kanta nga "Akin Ka Na Lang").

Ang 'You'll Be Safe Here" by Rivermaya nga maoy soundtrack sa usa ka teleserye sa ABS-CBN kaniadto midaog usab isip "Best Song Written for Movie/TV/Stage Play." Sa laing bahin si Nina, maoy nakaangkon sa pasidungog nga "Best Selling Album of The Year" alang sa "Live!" ug "Best Duet" kauban si R&B upstart, Thor, sa kanta nga "The Closer I Get To You."

"Best Performance by a New Female Recording Artist" mao si April ("Stay"), "Best Performance by a New Male Recording Artist", OJ Mariano ("Maghihintay Sa Yo.")

"Best Performance by a New Group Recording Artist" mao ang grupong Pupil (Nasan Ka), Best Performance by a Female Recording Artist mao si Barbie Almabis ("Just A Smile"). Si Gary Valenciano, kinsa mao usay Dangal Ng Pilipino Awardee kauban ni Martin Nievera, maoy midaug sa "Best Performance by a Male Recording Artist," award pinaagi sa inspirational song nga "Break Me."

"Best Rap" naangkon sa Dice & K9 "6 In Da Morning;" "Best Jazz Recording" mao si Mon David for "Let Go;"" Best R&B" ang South Border for "Asa" ug "Best Instrumental Performance" mao sila si Renato Lucas ug Raul Sunico for "Gaano Kadalas Ang Minsan."

Bianca napareha ni Rica

Puno karon sa trabaho si Bianca Gonzales ug gani matud pa sa beteranang kolumnista sa PangMasa nga si Christy Fermin, ang kanhi housemate maoy ikaduha nga artista nga ilang nasugatan nga naglakaw sa ABS-CBN compound nga nagpiyong ang mga mata gumikan sa labihan nga kakapoy.

Matud ni Christy, si Rica Peralejo maoy ingon niini ang sitwasyon nga walay katulog ug igo lang mopauli sa iyang balay aron maligo dayong diretso sa sunod nga trabaho.

Pagkakaron matud ni Christy, walay puas ang ubo ni Bianca samtang midaut usab siya apan gikinahanglan niya nga mag-voice over alang sa usa ka programa busa walay reklamo ang dalaga.

Nina Jose dunay naggam

Gigam karon sa mga designers ang kanhi PBB Teen Housemate nga si Nina Jose alang sa umaabot nga Bb. Pilipinas tungod kay matud pa, gawas nga maanyag siya, utokan usab ang "sosy girl ng Makati."

Una niini nahimuot ang beteranang kolumnista sa PangMasa nga si Christy Fermin sa reaksyon nga ilang nadawat atol sa ilang program sa DZMM nga Wow Ang Showbiz tungod kay dihay usa ka tigpaminawan nga mi-text ug miingon nga murag "ok-ok" si Nina tungod sa kaya-ya niini musulti.

Mihapit man gud si Nina sa nahisgutan nga radio show una pa siya midiretso sa taping sa Homeboy kauban ang iyang mommy Claire busa gihinabi siya nga nakapalagot sa maong tigpaminaw tungod kay labihan niya ka hinay motabi.