Rochelle gikuninitan sa 'intriga'

Midaghan ang mga isyu nga angayan tubagon ni Rochelle Pangilinan, suma pa sa beterana nga kolumnista sa PangMasa nga si Lolit Solis.

Una mao nga "nagselos" si Rochelle kang Iwa Moto tungod kay tua kanunay ang starstruck princess sa balay sa uyab ni Sexbomb Rochelle.

Mi-deny na si Iwa apan miangkon hinoon siya nga kanunay siya sa balay sa non-showbiz boyfriend ni Rochelle tungod kay barkada sila sa ulitawo.

Wala usab molurang ang taho nga buot na nga mobiya si Rochelle sa Sexbomb aron mag-solo na lang siya, sanglit paminaw niya mas malayo pa og maabot ang iyang career kon mag-inusara na lang siya.

Padayon pa usab ang taho nga "nagpaplastikan" lamang sila ni Jopay Paguia tungod kay nagpataasay sila sa ihi, kinsa nilang duha ang maayo ug angayan nga ma-rayna sa grupong Sexbomb.

Ning bag-o lang mitumaw ang laing isyu nga dunay plano si Rochelle, pagbalik ngadto sa Eat Bulaga sa higayon nga mag-solo na siya. Pwes ang pangutana, duna pa ba siya'y luna sa maong noon time show?

Lola ganda, rayna gyud

Mapasalamaton si Ms. Gloria Romero ngadto sa mga producers nga padayong mikuha sa iyang serbisyo alang sa mga nagkadaiyang pelikula, diin ang labing uwahi mao ang "I Wanna Be Happy" ubos sa Seiko Films.

Nakauban niya og balik si Eddie Garcia nga matud pa ni Tita Glo, expert na sa mga comedy movies. "Si Eddie naman, maasahan mo siya in any role," pasiuna ni Lola Ganda. "He is such a talented actor and director. Noong nasa Sampaguita pa kami noon, parati siyang kontrabida noon. But now, he's one of the most respected actor-director in the industry. Mahal kasi ni Eddie ang trabaho niya which is the proper thing naman to do."

Lima ka henerasyon na sa mga artista ang nakauban ni Tita Glo sama diin nag-una sa iyang listahan ang gitawag og "movie queens" sama nila ni Nora Aunor (Condemned, Bilangin Ang Bituin Sa Langit), Vilma Santos (Kapag Langit Ang Humatol, Saan Nagtatago Ang Pag-ibig), Maricel Soriano (Mother Dear, Anak Ni Waray vs. Anak Ni Biday) and Sharon Cuneta (Bakit Ikaw Pa Rin, Oras-Oras Araw-Araw).

Karon mga bag-ong artista na usab ang iyang nakauban sa "I Wanna Be Happy" sama nila ni Alfred Vargas, Diana Zubiri, Dion Ignacio, Michelle Madrigal, Jason Abalos at Terrence Baylon.