'Deal or No deal,' murag 'Pera o Bayong'

Dili maayo ang reaksyon sa usa ka texter nga nakakita sa bag-ong game show ni Kris Aquino nga "Kapamilya, Deal or No Deal" tungod kay didto sa kauluhan pareha ra ang tubag nga mas ganahan pa sila sa Pilipinas Game Ka NA Ba?

Matud pa sa mga himantayon nga laay tan-awon nga usa ka oras nga maghinangyoay ang banker ug ang player ug matud pa mura ra kini og 'Pera o Bayong" nga giinat.

Gisaway usab sa mga himantayon ang mga dancers tungod kay matud pa dili sila mga sexy tungod kay nagbitay ang mga bilbil. Gidugang pa sa mga himantayon nga mitan-aw sila sa maong show tungod kay nagdahom sila nga dunay bag-o nga ikapakita si Kris apan gawas sa nindot niini nga gown wala nay lain pa nga bag-o sa Deal or No Deal.

Jeremy ug Alessandra magbalik?

Giingong hayan magbalik pa sila si Jeremy Marquez ug Alessandra de Rossi tungod kay nasayran sa PangMasa nga bisan og didto sa Barcelona Spain ang dalaga ug karon tua na sa Italy padayon ra gihapon ang ilang komunikasyon pinaagi sa Internet.

Nabantayan nga labihan ka lapoy karon ni Jeremy nga tan-awon ug paminaw sa mga himantayon siya maoy naglisud pagdawat nga buwag na sila ni Alex.

Wala pa gihapoy buot mobutyag sa tinood nga hinungdan nganong nagkabuwag ang duruha ug dunay mga miingon nga si Jeremy gayud ang nakasala.

Mihirit sa pag-ingon ang mga himantayon nga angay nga mag-ampo ang mga supporters sa duruha tungod kay sa nasayran na si Alex ang matang sa babaye nga dili na makigbalik sa mga uyab nga iya nang gibuwagan.