Anne ug Lucky wala magbuwag

Gipakita gayud ni Ate Vi ang iyang suporta ngadto sa iyang anak nga si Luis Manzano human kini mitambong gayud sa premiere sa 'All About Love" didto sa Megamall kauban si Senator Ralph Recto.

Apan suma pa sa PangMasa nga wala na sila mukuyog ni Ate sa blow-out didto sa ground floor sa Megamall human sa salida.

Nabantayan sa PangMasa nga sa blow-out na wala gayud mobuwag si Lucky kang Anne Curtis nga maoy iyang ka-loveteam.

Nabantayan usab sa mga himantayon nga kataw-anan usab kaayo ang tandem nila ni Anne ug Lucky ug dili kini OA.

Samtang wala makatambong si Edu Manzano sa premiere tungod kay matud pa atua kini sa Singapore.

John Lloyd ug Bea perteng hawkanay

Wala pa mabatyagi ni Jason Abalos nga sikat na siya tungod kay matud pa sa mga himantayon wala pa gihapon siya mausab ug nagpabilin pa kini nga mapaubsanon.

Matud pa sa PangMasa nga bisan og ang iyang ka-loveteam nga si Angelica Panganiban mitambong usab sa blow-out apan wala sila magtapad og lingkod tungod kay giabi-abi nila ang ilang tagsa tagsa ka mga higala.

Samtang wala usab magbuwag og lingkod sila si Bea Alonzo ug John Llyod apan miingon ang PangMasa nga dili na kini angayan hatagan og lain nga interpretasyon tungod kay miangkon na si Lloydie nga duna siya karoy gipanguyaban nga Chinese girl.

Hinoon miingon ang PangMasa nga bisan og medyo mitambok karon si Bea nagpabilin pa gihapon kini nga labihan ka guapa. Ug matud pa nga bisan og sikat na siya karon kaayo, nagpabilin pa gihapon siya nga buotan ug mapaubsanon.

Suma pa nga ang ilang episode ni John Llyod ug Bea sa trilogy sa 'All About Love" maoy labihan ka bug-at ang drama ug sila usab ang dunay grabe nga hawkanay.

Nasayran usab nga nilang tulo ni Angelica, Anne ug Bea, ang naulahi maoy labihan ka bata sa pangidaron nga 19-anyos.

Jason ug Angelica naghubo?

Samtang miingon ang mga himantayon nga angayan nga tan-awon gayud ang episode nila ni Jason ug Angelica tungod kay matud pa aduna silay eksena nga puro walay sapot.

Sama sa ato nang nabalita dinhi sa Banat Hugyaw, dunay titulo nga "Promdi" ang episode nila ni Angelica ug Jason sa direksyon ni Bb. Joyce Bernal.

Si Anne usab kutsera ang role nga nahigugma sa datu nga si Lucky nga sa sinugdanan perte niyang kontraha. "We had a crash course in karitela driving, bago finally kinunan ni Direk Joyce, lalo't ang eksena kong nagpapatakbo ng nag-iisa ng karitela," pong pa ni Anne.

Sa dihang gipangutana kon unsa gayuy tinood nilang relasyon ang duruha mitubag nga : Anne's answer: "Hindi pa." Luis: "Malapit na."