Comeback movie ni Herbert kauban si Precious

Naghinam-hinam na karon si Quezon City Vice Mayor Herbert "Bistek" Bautista nga ikauban sa pelikula si Miss International 2005 Precious Lara Quigaman.

Magkauban sa digital movie sa Heaven's Best Entertainment nga "Umaaraw...Umuulan." Ang leading man ni Precious Lara sa maong pelikula si Ryan Agoncillo ug si Bistek diin modala sa papel nga bungol ug amang.

Nagmahay daw si Bistek kung nganong wala sila'y eksenang romantic ni Precious Lara. Usa sa nakilig sa maong eksena mao si Ryan.

"Sana nga nagpalagay ako ng kissing scene man lang naming dalawa ni Precious!" matud pa ni Herbert. Midugang ang actor-politician nga "pero alam ko naman na hindi rin siya papayag sa kissing scene, eh. Kaya patas lang kami nila Ryan at Sen. Bong Revilla. Pare-pareho naming hindi matitikman ang lips ni Precious."

Kung makahigayon daw gusto ni Bistek nga makahimo sila og laing digital movie.

"Depende 'yun sa schedules din niya kung mapapayagan siya. Ang alam ko kasi, aalis ng bansa si Precious kaya mabilis naming tinapos itong Umaaraw... Umuulan. Tsaka depende rin sa outcome ng digital movie na ito kung magiging successful siya. Gusto ko si Richard Arellano rin ang magdirek kung matuloy ang balak kong digital movie with Precious."

Ang Umaaraw... Umuulan, ang comeback movie ni Herbert. Ang iyang last movie nga gihimo niadto pang 2001 kauban si Rudy Fernandez sa The Ping Lacson Story. Human niadto puros TV na lang siya mogawas.

"Masarap din na may break ako from politics. Na-miss ko rin ang showbiz. Nami-miss ko ang masayang atmosphere. Sa politics kasi mas maintriga at mas maraming problema. Sana nga I do more movies and TV shows. Gusto ko maging visible ulit sa entertainment scene," matud pa sa actor.

* * *

Sa pikas nga bahin, naka-realize si Precious Lara Quigaman, ang Miss International 2005, nga dili diay sayon ang kinabuhi sa usa ka artista. Usa pa lang ka pelikula ang nahuman ni Precious Lara, ang Kapag Tumibok ang Puso... Not Once, But Twice sa Imus Productions uban ni Sen. Bong Revilla ug Ai-Ai de las Alas, pero gusto na daw niyang mo-surrender.

Ang intriga sa showbiz ang matud pa nga dili niya maantos diin damay ang iyang inahan sa mga tsismis.

"Wala namang kinalaman ang mommy ko, pero pati siya'y naiintriga. Tapos, pati 'yung pakikipag-kissing scene ko, naging isang malaking issue," say ni Precious.

Dili daw sanay si Precious nga utingkayon ang iyang kinabuhi sa intriga ilabi na ang iyang lovelife. Kini ang usa sa mga hinungdan nga na-discourage siya nga ipadayon ang pag-artista.

"Undecided pa talaga ako up to now at kung magkakaroon ng reason for me to stop, siguro isa po talaga sa mga dahilan ay ang mga intriga," matud pa ni Precious.

Ang intriga batok kaniya nagsugod dihang miadto siya sa Bacolod diin iyang gi-reklamo ang baho nga "towel."

"Never po akong nagtaray, maayos ang pagkakasabi ko sa staff. So, 'yung mga ganu'n, nakakainis dahil ginagawa na naman ang mga bagay na tama, tapos for some reason, iba ang lalabas," matud pa sa Miss International.