Carlos Agassi hambugero, dakog ulo?

Gumikan kay matud pa gibinastusan ni Carlos Agassi ang duha ka mga sakop sa press didto sa kauluhan bag-o lang inanay nga naugkat ang iyang mga baho nga kaniadto gitago unta sa iyang mga publicist.

Nasayran sa PangMasa nga nahiubos usab diay kaniya kaniadto ang mga tagdumala sa DWRR tungod kay wala kini mutunga sa usa ka dinner date alang unta sa contest nga gipasiugdahan sa estasyon.

Ang nakaparat mao nga gidawat ni Carlos ang kompromiso ug bisan og ang mga ingon ana nga promo walay talent fee sanglit makatabang man ang estasyon sa promo sa album sa usa ka singer, gidawat pa gayud ni Carlos ang gihatag nga tf sa estayon.

Usa ka buwan sa wala pa ang schedule sigi lang og tando si Carlos ug giklarohan na siya unsay mahitabo diin makigsawo siya og panihapon sa duha ka listeners sa DWRR, kalit lang nga mibalibad si Carlos pag-abot sa gikatakda nga adlaw.

Ang rason ni Carlos mao nga kinahanglan niya nga magpa-opera sa iyang kidney tungod kay dili maayo ang kondisyon niini ug talandugon ang kahimtang.

Nasayran nga usa diay sa gibalibaran nga listener ni Carlos dunay cancer ug perteng guola niini nga dili na niya makita sa personal ang iyang paborito nga rapper.

Pwes ania ang kataw-anan nga tsika. Sa dihang nag-studio tour na sa ABS-CBN ang nakadaog nga mga listeners naatol nga taping usab sa Bora.

Hala, nakit-an nila si Carlos didto nga nagsige lang og text text, diin lagsik kaayo kining molihok, busa miduol ang duha ka fans ug nagpaila nga sila ang nakadaug sa promo sa DWRR nga dinner date kauban siya.

Pagkabati ni Carlos niini kalit lang siyang mihikap sa iyang kilid ug miingon, "Oo nga, e. Sorry, pero may problema kasi ako sa kidney."

Bakakon si Carlos

Sa pagkakaron nanghambog si Carlos nga walay suporta nga gihatag ang Dos sa promotion sa iyang album, matud niya siya mismo maoy midiskarte aron masayran sa publiko nga duna siyay album.

Pwes ang tubag sa DWRR (FM station sa ABS-CBN), mao nga "Ang "kapal-kapal ng mukha niyang magsabi na hindi siya sinusuportahan ng station, samantalang pinag-guest pa nga namin siya noon sa Request Express To The Max as co-DJ ni China Heart!

Dugang pa sa management sa DWRR nga karon perte nang ulbo sa kaspa sa kalagot kang Carlos, "ipine-play rin namin ang new song niya from his new album, pero mula nung gawin niya sa amin 'yung pang-iindiyan sa mga listeners namin, bakit kaya hindi na lang niya tanungin ang sarili niya kung bakit nawalan kami ng amor sa Amir na yan?"