Pamilya ni Matt, intact

Hugtanong gipanghimakak ni Matt Mendoza nga nagbuwag na sila sa iyang asawa hinungdan nga mihukom siya nga mobalik pag-artista. Matud niya gimingaw lang gayud siya sa showbiz ug gani nalipay man ang iyang pamilya sanglit makakita na usab sila niya sa telebisyon ug pelikula.

Giangkon ni Matt nga mismo siya wala magdahom nga mobalik siya og artista tungod kay hagbay ra siya nga nahanaw sa sirkulasyon, apan lagi kay gimingaw siya sa showbiz gidawat niya ang tanyag sa TAPE Inc. nga modala sa papel sa usa ka amahan ngadto sa character ni Cheska Garcia sa "Kung Aagawin Mo Ang Lahat."

"Nakakatawa nga kasi dati crush ko 'yan si Cheska, ngayon ako na ang tatay niya sa TV," mikatawa si Matt. "Okey lang na gumanap ako as father roles. Yun naman ang pupuwede na sa akin, eh. I'm 34 years old now and I guess tama lang naman. Nakaka-miss din naman kasi ang umarte kaya when Sandy (Santamaria) called me up because may role daw na bagay sa akin, I didn't give it a second thought. Na-miss ko rin naman ang showbiz, eh."

Ug ning pagbalik ni Matt, gitanyagan usab siya og role sa usa ka digital movie sa Unitel Films nga dunay ulohan nga "Inang Yaya" ug tungod kay si Maricel Soriano ang bida, diretso kini niyang gidawat.

"Maganda ang role na binigay nila sa akin. Ilang shooting days lang naman ako but to work with Maricel Soriano is one of my dreams noong active pa ako sa showbiz. Before kasi, naging leading man na ako ni Sharon Cuneta sa Nang Iniwan Mo Ako. Kaya si Maricel naman ang gusto kong makatrabaho. Kung kelan ako bumalik, doon pa natupad ang dream kong iyon. Kaya natuwa naman ako when the project came," pagtapos ni Matt.

Misteryoso ang suitor ni Vina

Dunay mysterious suitor si Vina Morales nga kada-adlaw magpadala niya og pongpong sa mga buwak. Nasayran sa PangMasa nga tua diay sa Amerika magbase ang maong lalaki busa labihan nga nakadayeg sa mga himantayon ngadto sa naulahi sanglit bisan atua kini sa halayo kada adlaw gayud mopadala og mga buwak ngadto sa singer -actress.

O di ba sosyalan kaayo ang lalaki gawas pa nga nagpakita gayud kini unsa siya ka pursigido nga maangkon ang gugma sa Sugbuanong si Vina?

Apan ang siste mao nga wala diay maka like as in 'deadma" si Vina sa maong ulitawo ug matud pa wala diay gani siya makaila sa mao niya nga suitor.

Pwes hasta ang mga tawag niini dili usab tubagon ni Vina hinungdan nga matud pa naglibog na karon si Mr. Suitor unsaon niya nga maangkon ang kasingkasing sa dalaga.

Gani matud pa nga giminalditahan pa kini ni Vina makausa sa dihang mitawag kini apan wala gihapon magpakawala sa paglaum ang ulitawo.