M.U na ang drama ni Luis ug Roxie

Nagdumili na si Luis Alandy pagbutyag sa hinungdan nganong nagkabuwag sila ni Desiree del Valle, ug igo na lamang kining miingon nga "Sa amin na lang po 'yun," human mahinabi sa PangMasa.

Dungan giangkon ni Luis nga duna na silay mutual understanding ni PBB housemate Roxanne Barcelo apan iyang giklaro nga hagbay ra silang nagbuwag ni Desiree una siya naninguha kang Roxie.

"Wala na po kami ni Des nang magkakilala kami ni Roxie," paniguro niya.

Samtang daghan na ang naghinamhinam nga makakita sa pelikulang "Manay Po" diin closet queen si Luis ug Polo Ravales nga matud pa labihan gyud ang ilang lips to lips sanglit mao kini gipangayo sa istorya.

Tungod niini namahayag ang direktor nga si Joel Lamangan, nga dili pa sila sigurado unsa unya mamahimong rating niini sa MTRCB busa nangandam na sila pinaagi sa pagmugna og duha ka version.

Matud ni Lamangan nga kung ugaling R-18 ang rating nga ilang madawat wala silay mahimo kondili tangtangon ang torrid kissing ni Polo ug Luis, ug ipaslak ang laing mga esena nga walay hawkanay.

Sa May 31 ipasalida ang "Manay Po" lakip sa mga artista nga maglangkub niini mao sila si Cherry Pie Picache, John Pratts, Jiro Manio, Christian Vasquez, Mike Tan, IC Mendoza, Giselle Sanchez ug Glaiza de Castro.

"Magpakailanman" maoy midaug

Ang 'Magpakailanman" sa GMA-7 maoy nakakuha sa katungod aron himoon ang istorya sa kinabuhi ni Denver Razon kinsa bag-ohay lang mipanaw tungod sa usa ka car accident.

Ang amahan niini nga si Darius mitug-an sa PangMasa nga duna usay offer kaniya ang 'Maala-ala Mo Kaya" apan iyang gibalibaran tungod kay sa 'Magpakailanman" siya una nga mitando.

Gawas pa matud niya nagtan-aw usab siya og utang kabubut-on ngadto sa GMA-7 sanglit ang maong network maoy grabe nga misunod sa kaso ni Denver taliwala sa kontrobersya.

Dugang pa niya nga kanhi produkto si Denver sa 'That's Entertainment" kaniadto busa haom lang nga sa GMA-7 ipakita ang life story sa nahisgutan.