Milyonaryo nanguyab kang Mariel

Perteng pamalibad ni Mariel Rodriguez sa isyu nga duna silay espesyal nga relasyon ni Zanjoe Marudo ug matud pa niya wala usab sila magkuyog paingon sa Boracay niadtong Holy week.

Matud pa niya lain-lain sila og grupo apan iya hinoong giangkon nga nagkasulti sila ni Zanjoe og maayo apan wala kadtoy malisya sanglit suod sila nga mga managhigala.

Samtang sa pagpakighinabi niya sa PangMasa gipamug-atan ni Mariel nga ang iyang career maoy iyang priority ug sa pangidaron nga 21-anyos wala pa siya magdali nga makauyab bisan pa man tuod og dunay gikatahong anak og milyonaryo nga naninguha niya karon.

Giangkon ni Mariel nga pressured siya karon sanglit siya maoy nihulip kang Toni Gonzaga isip main host sa PBB Teen Edition, tungod kay ang naulahi maayo kaayo ug lisud sundon.

"But I'm learning. And I hope I will live up to everyone's expectations," paniguro ni Mariel

Umaabot nga baby ni Aiko, babaye

Baby girl ang umaabot nga anak nila ni Aiko Melendez ug Martin Jickain suma pa sa tsika ni Manay Lolit Solis.

Suma pa ni Lolit sa iyang column sa PangMasa nga maayo ang maong balita tungod kay dili angayan mabalaka ang magtiayon nga masuya sa iyang umaabot nga igsuon si Andrei.

Napanlantawan nga guapa ang umaabot nga anak sa duruha sanglit pareha man nga maayog dagway sila si Aiko ug Martin, gani karon pa lang pareha na silag nawong.

Aicelle, lig-on apan nakuyawan

Gikuyawan na karon og maayo si Aicelle Santos tungod kay usa siya sa napanlantawan nga mosulod sa Top 4 sa Grand Showdown sa Pinoy Pop Superstar karong Mayo sais didto sa Araneta Coliseum.

Gani ang tsika sa PangMasa nga kasagaran sa mga finalists nag-isip kang Aicelle nga maoy higpit unya nila nga makontra atol sa maong gabii sa tanang gabii sa nahisgutang indigay.

"It's flattering po and at the same time pressured kasi halos lahat ang tingin sa akin, kalaban nila," pahiyom niya nga pamahayag. "Pero lahat naman kami po magagaling.

Lahat kami works hard for this contest kaya lahat kami deserving manalo. Pero sabi nga nila, there can only be one at 'yun ang pinaglalabanan namin. Para sa akin po, manalo or matalo ako, okey lang kasi na-prove ko na sa marami na kaya ko ang umawit at kaya ko ang humarap sa maraming tao. I will pray para sa success naming lahat."

Lig-on si Aicelle wala man gyud siya mapildi sulod sa walo ka tuig hinungdan usab nga duna siyay talagsaon nga confidence kon naa ibabaw sa stage.

"Masasabi ko nga po na may suwerte sa akin itong PPS kasi dito pa rin ako bumagsak. Natutuwa po ako tuwing may nagsasabi na kaya kong sumali at manalo. Doon ko nakukuha po ang lakas ko sa pagsali. Ngayon at malapit na po ang Grand Showdown, mas kinakabahan po ako. Pero I will still do my best para manalo," pong pang Aicelle ngadto sa PangMasa.