Jennylyn giilogan og tulo ka Mark

Puros Mark ang ngalan sa mga lalake nga nag-ilog karon kang Jennylyn Mercado. Ang una mao si Mark Herras nga nahimo gayud niyang uyab.

Ikaduha mao si Marky Cielo nga gilambigit usab niya ning bag-o lang ug ang ikatolo mao ang ginganlan og Mark Fraiden.

Pong pa sa PangMasa nga si Fraiden American actor nga guest sa dramedy nga " I Love New York" diin padayon pa karon ang taping didto sa New York kauban usab sila si Marvin Agustin, Jolina Magdangal, Mark ug Jennylyn.

Matud pa nga perteng iboga ni Fraiden kang Jennylyn ug namahayag pa kini nga mosunod niya dinhi sa Pilipinas.

Kagamhanan walay ayo!

Nagmahay sa kagamhanan ang award winning theater actress nga si Monique Wilson tungod sa pagka-walay suporta niini ngadto sa sama kaniya nga mga talents nga padayong naghatag og garbo sa nasud.

"It's so sad to think na ang ibang bansa like Singapore has the support of the government kaya booming ang theater industry nila. Dito sa atin, I'm amazed on how we are able to survive. Alam naman natin na hindi lucrative business ang theater but still, many are still believing in the arts at nakakagawa pa rin tayo ng mga big productions. Kahit lugi, we don't mind kasi passion ng trabaho namin ito," pong pa ni Monique.

Gikatakda na usab siya nga mulupad sa Singapore aron maoy-mo-direct sa Aspects of Love nga ipasundayag didto sa maong nasud karong Abril 28 hangtod sa Mayo 6.

Kauban niya ang ubang mga Pinoy usab nga sila si Leo Rialp, Nikki Ventosa, Jenny Jamora, Jake Macapagal ug daghan pa, ubos sa New Voice Company.